काठमाडौँ / सरकारी छाप र दस्तखत किर्ते मुद्दामा दोषी ठहरिएकी नेकपा एमालेकी प्रदेशसभा सांसद गुलेफुन खातुन पदमुक्त भएकी छन् । जिल्ला र उच्च अदालतबाट भएको फैसलालाई जेठ २५ गते सर्वोच्च अदालतका न्यायाधीश सुष्मालता माथेमा र नहकुल सुवेदीको इजलासले सदर गरेपछि उनी दोषी ठहरिएकी हुन् । प्रदेश १ की सांसद खातुनले मुद्दा दोहोर्याउन माग गर्दै सर्वोच्चमा निवेदन दिएकी थिइन् ।तर सर्वोच्चले पनि उनको निवेदन खारेज गरिदिएको छ । उनको निवेदनमा माग अनुसार दाबी नपुग्ने भन्दै मुद्दा दोहोर्याउन अनुमति नहुने आदेश दिएको छ ।प्रदेशसभा सदस्य निर्वाचन ऐन २०७४ को उम्मेदवारको अयोग्यता सम्बन्धी दफा १३ (घ) मा नैतिक पतन
काठमाडौं / काठमाडौंको शंखरापुर नगरपालिका–१ स्थित देउराली भन्ज्याङमा ट्रिपरको ठक्करबाट एकजना महिलाको मृत्यु भएको छ ।मृत्यु हुनेमा सिन्धुपाल्चोकको मेलम्ची नगरपालिका–१३ फटकसिला घर भएकी ३९ वर्षीया लिलामाई दनुवार रहेको प्रहरी प्रभाग साँखुले जनाएको छ ।प्रदेश–३ ०१–००६ ख ३४७४ नम्बरको ट्रिपरले ठक्कर दिँदा मंगलबार राती ९ बजे दनुवारको मृत्यु भएको हो । ट्रिपर चालक रामेछापको मन्थली नगरपालिका-१४ घर भएका सुमन तामाङलाई प्रहरीले मेलम्चीमा पक्राउ गरेर काठमाडौं ल्याएको छ । चालकलाई सवारी ज्यान सम्बन्धी कसुरमा अनुसन्धान गरिने जिल्ला प्रहरी परिसर काठमाडौँले जनाएको छ ।
झापा / प्रहरीले नाबालिकालाई अपहरण गरी बलात्कार गरेर फरार भएको आरोपमा एक जनालाई पक्राउ गरेको छ । पक्राउ पर्नेमा बाराको कलैया उपमहानगरपालिका- ७ बरेवा टोलका १९ वर्षीय इर्साद अन्सारी रहेका छन् ।बालिकालाई कलैयाबाट डर त्रास देखाई २०७७ फागुन ५ गते अपहरण गरी भारतको लुधियाना लगी बन्धक बनाई बलात्कार गरेको अन्सारीमाथि आरोप छ ।जिल्ला प्रहरी कार्यालय बाराबाट खटिएको प्रहरी टोलीले बाराको कलैया उपमहानगरपालिका- ५ स्थित एक घरमा लुकेर बसेको अवस्थामा अन्सारी फेला परेका हुन् । उनलाई जिल्ला अदालत बारामा पेश गरी पुर्पक्षका लागि कारागार चलान गरिएको छ ।
बिर्तामोड / झापाको बुद्धशान्ति गाउपालिका -५ मा विषालु सर्पको टोकाइबाट एक किशोरको मृत्यु भएको छ । मृत्यु हुनेमा बुद्धशान्ति -५ खारखोलाका १५ वर्षीय अजित तामाङ रहेको इलाका प्रहरी कार्यालय बुधबारेका प्रमुख अशोक कोइरालाले बताएका छन् । गाउँमा राति ९ बजे जंगली हात्ती आएर हात्ती धपाउन निस्केका किशोरलाई विषालु सर्पले टोकेर टोकेको थियो ।सर्पको टोकाइबाट घाइते भएका तामाङलाई उपचारका लागि सर्पदंश उपचार केन्द्र चारआलीमा उपचार गर्ने क्रममा मृत्यु भएको प्रहरीले जनाएको छ ।
बिर्तामोड / झापाको बिर्तामोड नगरपालिका –२ स्थित चारपानेबाट ब्राउनसुगर सहित प्रहरीले एक जनालाई पक्राउ गरेको छ । पक्राउ पर्नेमा बुद्धशान्ति –४ का ३१ वर्षीय चन्द्र बहादुर लिम्बू रहेका छन् । विशेष सूचनाका आधारमा मंगलबार बेलुका ७ बजे इलाका प्रहरी कार्यालय अनारमनी र लागुऔषध नियन्त्रण ब्युरो काँकडभिट्टाबाट खटिएको संयुक्त प्रहरी टोलीले उनलाई पक्रिएको हो । पक्राउ परेका लिम्बुको साथबाट प्रहरीले ३४ ग्राम लागुऔषध ब्राउनसुगर बरामद गरेको छ ।
सङ्खुवासभा / सङ्खुवासभाको धर्मदेवी नगरपालिका –५ मा रहेको मायाखोला हाईड्रो पावरमा काम गर्ने क्रममा करेन्ट लागेर एक जनाको मृत्यु भएको छ । मंगलबार बिहान हाइड्रोपावर भित्र रहेको ट्रान्सफर्मर मर्मत गर्ने क्रममा करेन्ट लागेर उक्त हाईड्रोका इन्जिनियर पोखरा महानगरपालिका –१२ का ३९ वर्षीय रोमन कुमार चन्द घाईते भएका थिए । घाईते चन्दलाई उपचारको लागी हेलिकोप्टरद्वारा काठमाडौँ पठाइएको थियो । उनको उपचारको क्रममा मृत्यु भएको जिल्ला प्रहरी कार्यालय संखुवासभाले जनाएको छ।
विराटनगर / मोरङका दुई छुट्टाछुट्टै स्थानमा भएको सवारी दुर्घटनामा परी २ जनाको मृत्यु भएको छ । मृत्यु हुनेमा मोरङको पथरी शनिश्चरे नगरपालिका –२ की विमला खड्का रहेकी छिन् । मंगलबार राती साँढे ७ बजे मोरङको पथरी शनिश्चरेमा प्रदेश १–०२–०४७ प ००१५ नम्बरको मोटरसाइकलले ठक्कर दिँदा खड्का घाईते भएकी थिइन् । खड्काको उपचारको क्रममा विराटनगरको कोशी अस्पतालमा मृत्यु भएको जिल्ला प्रहरी कार्यालय मोरङले जनाएको छ । त्यस्तै मंगलबार साँझ मोरङकै सुन्दरहरैचा नगरपालिका –११ मा ३३ प ४२४१ नम्बरको मोटरसाइकल दुर्घटना हुँदा सोही मोटरसाईकलमा सवार रहेकी ३० वर्षीया देव कुमारी श्रेष्ठ घाईते भएकी थिईन । जिल्
जनकपुर / ‘भारत गौरव पर्यटक रेल’ ९ असारमा जनकपुरधाम आउने भएको छ । भारतीय पर्यटक बोकेर उक्त रेल जनकपुरधाम आउने भएको हो।नेपाल रेल्वे कम्पनीका महाप्रबन्धक निरञ्जनकुमार झाका अनुसार भारतको राजधानी नयाँदिल्लीबाट मङ्गलबार साँझ हिँडेको सो रेल बिहीबार जनकपुरधाम आइपुग्ने छ । रामायण सर्किटमा सञ्चालन हुने उक्त रेलले भारतको अयोध्या, नन्दीग्राम, सीतामढी, वनारस, प्रयागराज, चित्रकुट, पञ्चवटी, नासिक, हम्पी, रामेश्वरम र भद्राचलम धार्मिक गन्तव्यका साथै नेपालको जनकपुरस्थित धार्मिक क्षेत्रलाई जोड्ने महाप्रबन्धक झाले बताए ।महाप्रबन्धक झाका अनुसार भारतीय राजदूतावासको समन्वयमा ‘भारत गौरव पर्यटक रेल’ मा करिब ५०० भ
पर्सा / अन्तर्राष्ट्रिय कल बाइपास गरेको आरोपमा प्रहरीले एक भारतीय नागरिकलाई पक्राउ गरेको छ ।केन्द्रीय अनुसन्धान ब्युरो (सिआइबी) र जिल्ला प्रहरी कार्यालय पर्साको संयुक्त टोलीले भारतका इरफान सुफियान खानलाई वीरगञ्जबाट पक्राउ गरेको हो ।वीरगञ्ज महानगरपालिका –२ रेल्वे रोडस्थित मनान मियाँ तेलीको घरमा बसेर अवैध रूपमा कल बाइपास गरिरहेको अवस्थामा खानलाई पक्राउ गरिएको प्रहरी निरीक्षक गणेश सुवेदीले जानकारी दिए ।विशेष सूचनाका आधारमा प्रहरीले तेलीको घरमा छापामारी गरेर खानलाई भ्वाइस ओभर इन्टरनेट प्रोटोकल कल बाइपास गरिरहेको अवस्थामा विभिन्न सामग्री र उपकरणसहित नियन्त्रणमा लिएको हो ।
झापा / १२ वर्षीया बालिकालाई बलात्कार गरेको आरोपमा एक युवकलाई पक्राउ परेका छन् । पक्राउ पर्नेमा म्याग्दे गाउँपालिका- ५ थाङ्दीमा डेरा गरि बस्ने गोरखा चुनमुवी गाउँपालिका- ३ घर भएका ४३ वर्षीय चन्द्र बहादुर गुरुङ रहेको प्रहरीले जनाएको छ । गुरुङले ती बालिकालाई गत बैशाख १६ गते जबरजस्ती करणी गरेको भन्ने खबर प्राप्त हुनासाथ इलाका प्रहरी कार्यालय बेलचौताराबाट खटिएको प्रहरीले उनलाई सोमबार साँझ पक्राउ गरेको हो । घटना सम्बन्धमा थप अनुसन्धान भइरहेको प्रहरीले जनाएको छ ।
Copyright © 2021 / 2024 / Esoul Media (P) Ltd. / All Rights Reserved.
