मोरङ / मोरङको पथरी शनिश्चरे नगरपालिका –२ स्थित भित्री सडक खण्डमा सवारी दुर्घटना हुँदा १ जनाको मृत्यु भएको छ । मंगलबार दिउँसो सवा ३ बजे प्रदेश १–२–००३ ह ५३८ नम्बरको सिटी सफारीले बाटो काट्दै गरेकी स्थानीय आन्न राईकी ४ बर्षीया छोरी सिहाङ राईलाई ठक्कर दिएको थियो । सफारीको ठक्करबाट घाईते भएकी राईको विराट नर्सिङ अस्पताल विराटनगरमा उपचारको क्रममा मृत्यु भएको जिल्ला प्रहरी कार्यालय मोरङले जनाएको छ । ठक्कर दिने सिटी सफारी र चालक ४८ वर्षीय मन बहादुर तामाङलाई इलाका प्रहरी कार्यालय पथरीले नियन्त्रणमा लिई दुर्घटना सम्बन्धमा थप अनुसन्धान गरिरहेको छ ।
काठमाडौं / काठमाडौं महानगरपालिका- ६ गणतन्त्र चोक डेरा गरी बस्ने खोटाङ चिसापानी घर भएकी ३४ वर्षीया संगीता राईको कोठामा जुवातास खेलिरहेको अवस्थामा राई समेत ६ जनालाई सोमबार दिउँसो प्रहरीले पक्राउ गरेको छ । उनको कोठामा जुवातास खेलिरहेको भन्ने खबर प्राप्त हुनासाथ प्रहरी प्रभाग कपनबाट खटिएको प्रहरीले उनीहरूलाई नगद ३६ हजार ४५ रुपैयाँ र एक बुक तास सहित फेला पारी पक्राउ गरेको हो । घटना बारेमा प्रहरीले थप अनुसन्धान गरिरहेको जनाएको छ ।
एजेन्सी / अफ्रिकी मुलुक सुडानको जातीय दंगा नियन्त्रणका लागि हजारौं सुरक्षाकर्मी परिचालन गरिएको छ । सुडानको राजधानी खार्तुममा भएको जातीय दङ्गामा परी मृत्यु हुनेको संख्या ६५ पुगेको हो । पछिल्लो समय सुडानको ब्लु नाइल प्रदेश जातीय दङ्गाको केन्द्रबिन्दु बनेको छ । दङ्गामा परि १ सय भन्दा बढी घाइते भएका छन् । दङ्गाकै क्रममा विभिन्न निवास र सरकारी कार्यालयहरूमा आगजनी हुँदा भौतिक सम्पत्ति नष्ट हुनुका साथै सयौँ सवारीसाधनहरू जलेर ध्वस्त भएका छन् ।सुरक्षाकर्मीहरूले परिस्थिति नियन्त्रणमा लिन अश्रुग्यास प्रहार गर्नुका साथै ठाउँ ठाउँमा लाठिचार्ज समेत गरेको छ । यद्यपि स्थिति नियन्त्रणमा नआएपछि सोही
एजेन्सी / पोर्चुगलमा गर्मीका कारण एक हप्ताभित्र दुई सय ३८ जनाको ज्यान गएको छ । सरकारले गर्मीका कारण चट्टान टुक्रिएर खस्न सक्ने भएकाले चट्टानी पहाडतिर नजान सर्वसाधारणलाई आग्रह गरेका छन् । गएको हप्तादेखि पोर्चुगलमा अधिकतम तापक्रम ४७ डिग्री तथा फ्रान्स र स्पेनमा ४० डिग्री सेल्सियस पुगेको छ । औद्योगिक युग सुरु भइसकेपछि मात्रै विश्वको तापक्रम एक दशमलव एक डिग्री सेल्सियसले बढिरहेको छ । युरोपका अरू देश पनि गर्मी र तातो हावाले प्रभावित भएका छन् । इटलीका केही उपत्यकालाई सरकारले सुक्खाग्रस्त क्षेत्र घोषणा गर्दै आपतकाल घोषणा गरेको छ । उत्तरी मोरक्कोमा आगो फैलिएपछि दर्जनौँ गाउँ खाली गर्नुपरेको
झापा / कालिकोटको नरहरिनाथ गाउँपालिका- ६ माल्कोटस्थित स्वास्थ्यचौकी बन्द हप्तादिनदेखि बन्द अवस्थामा रहेको छ । पालिकाले करारका स्वास्थ्यकर्मी हटाउँदा स्वास्थ्यचौकी बन्द भएको हो । स्वास्थ्यचौकी बन्द हुँदा सेवाग्राहीलाई समस्या भएको स्थानीय रामबहादुर बटालाले गुनासो गरे ।स्वास्थ्यकर्मी नहुँदा सोमबार एक महिलाले स्ट्रेचरमा बच्चा जन्माएकी छन् । उनी बेथा लागेको ४ घण्टासम्म स्वास्थ्यचौकी बाहिर बसेकी थिइन् । करारका स्वास्थ्यकर्मी हटेपछि ‘बर्थिङ सेन्टर’ बन्द भएको गाउँपालिकाका स्वास्थ्य शाखा प्रमुख अम्मर बटालाले बताए ।‘दुई स्थायी स्वास्थ्यकर्मी बिदामा हुनुहुन्छ । त्यसले सुत्केरीले ४ घण्टासम्म बाहिरै बस्नुपर
बिर्तामोड / देशभरका ७५३ वटा स्थानीय तह मध्ये तीनवटा स्थानीय तहले शून्य बेरुजु बनाएका छन् । हालै सार्वजनिक महालेखा परीक्षकको ५९ औँ वार्षिक प्रतिवेदन अनुसार प्युठानको दुई र ताप्लेजुङको एक स्थानीय तहले शून्य बेरुजु बनाएका हुन् । प्युठानको सरुमारानी र मल्लरानी गाउँपालिकाको बेरुजु रकम शून्य रहेको छ भने ताप्लेजुङको सिरिजङ्गा गाउँपालिकाको पनि बेरुजु रकम शून्य रहेको छ । प्रतिवेदनअनुसार प्युठानका अन्य सात स्थानीय तहको बेरुजु तीन प्रतिशतभन्दा कम छ । महालेखापरीक्षकको कार्यालयको अन्तिम लेखापरीक्षणमा चार प्रतिशतभन्दा कम बेरुजु हुने स्थानीय तहलाई आर्थिक अनुशासन र वित्तीय सुशासन राम्रो भ
पोखरा / पोखरा महानगरपालिका- ८ न्युरोडस्थित एक होटलमा २ वटा नक्कली सुन देखाई ठगी गर्न खोजेको आरोपमा प्रहरीले २ जनालाई पक्राउ गरेको छ । पक्राउ पर्नेहरुमा पोखरा महानगरपालिका- ४ रामकृष्ण टोल बस्ने चितवन माडी नगरपालिका- ८ बसन्तपुर घर भएका ३५ वर्षीय धर्मेन्द्र खाती (शाय) र पोखरा महानगरपालिका- १६ घर्मीखोला बस्ने स्याङ्जा अर्जुन चौपारी गाउँपालिका- ४ रापाकोट घर भएका ४० वर्षीय डिल बहादुर बिक रहेका छन् । उनीहरूले उक्त होटलमा नक्कली सुनको बाला देखाई सक्कली हो भन्दै ठगी गर्न खोजेको अवस्थामा जिल्ला प्रहरी कार्यालय कास्कीबाट खटिएको प्रहरीले उनीहरूलाई पक्राउ गरेको हो । उनीहरू उपर आपराधिक षड्यन
काठमाडौँ / नेपाल कानून व्यवसायी परिषदले काठमाडौँ जिल्ला अदालतका न्यायाधीश राजकुमार कोइरालालाई घुस प्रस्ताव गरेका अधिवक्ता रुद्रप्रसाद पोखरेलविरुद्ध सार्वजनिक सूचना जारी गरी स्पष्टीकरण माग गरेको छ ।मंगलबार परिषदले गोरखापत्र दैनिकमा सार्वजनिक सूचना निकालेर न्यायाधीशलाई घुस प्रस्ताव गरेका पोखरेललाई ७ दिनभित्र स्पष्टीकरण दिन माग गरेको हो । स्पष्टीकरणका लागि जारी भएको म्याद बुझ्न नमानेको र आफ्नो कार्यालय बन्द गरेर सम्पर्कविहीन भएपछि सार्वजनिक सूचना जारी गरेको परिषदले जनाएको छ ।‘तपाईं रुद्रप्रसाद पोखरेलले कानून व्यवसायको सिलसिलामा कार्य गर्दा काठमाडौं जिल्ला अदालतका न्यायाधीश राजकुमार कोइरालासँ
झापा / गुल्मीमा ५५ वर्षीया महिलालाई बलात्कार प्रयास गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा मुसीकोट नगरपालिका- १ का ५९ वर्षीय लक्ष्मण बलामी रहेका छन् । बलामी ति महिलालाइ साँझको समयमा घरमा एक्लै भएको अवस्थामा बलात्कारको प्रयास गरेको आरोप रहेको छ । पीडित युवतीले असार १ गते दिएको उजुरीका आधारमा आरोपितलाई पक्राउ गरि अनुसन्धान थालिएको जिल्ला प्रहरी कार्यालय गुल्मीका डीएसपी माधवराज खरेलले बताए ।
झापा / उदयपुरको चौदण्डीगढी नगरपालिका- ४ बाट प्रतिबन्धित लागूऔषध गाँजा सहित १ जनालाई प्रहरीले पक्राउ गरेको छ । पक्राउ पर्नेमा बेलका नगरपालिका- ६ का ३४ वर्षीय बिनेश राई रहेका छन् । लागूऔषध गाँजाको ओसार पसार भइरहेको भन्ने विशेष सूचनाका आधारमा इलाका प्रहरी कार्यालय बेल्टारबाट खटिएको प्रहरी टोलीले राईलाई पक्राउ गरेको हो । रामपुरबाट स ३ प ३६०३ नम्बरको मोटरसाइकलमा फत्तेपुर तर्फ जाँदै गरेका उनलाई रोकेर चेकजाँच गर्ने क्रममा निजको साथबाट ५ केजी गाँजा बरामद भएको थियो । गाँजा सहित पक्राउ परेका राईको सम्बन्धमा थप अनुसन्धान भइरहेको इलाका प्रहरी कार्यालय बेल्टारले जनाएको छ ।
Copyright © 2021 / 2024 / Esoul Media (P) Ltd. / All Rights Reserved.
