नवलपरासी— बर्दघाट सुस्ता पश्चिम नवलपरासीमा ३४ पशुचौपायामा लम्पीस्किनको सङ्क्रमण देखिएको छ । खोप नलगाएका पशुमा सङ्क्रमण देखिन थालेको हो ।पछिल्लो समय खोप नलगाएका पाडापाडी, बाच्छाबाच्छीमा लम्पीस्किनको सङ्क्रमण देखा परेकाले सङ्क्रमण फैलिने जोखिम बढेको नवलपरासी भेटेरिनरी अस्पताल तथा पशु सेवा विज्ञ केन्द्रका कार्यालय प्रमुख श्रावणकुमार चौधरीले बताए । उनका अनुसार सुनवल, बर्दघाट, सुस्ता, प्रतापपुर र रामग्राममा लम्पीस्किन फैलिएको हो ।सङ्क्रमणग्रस्त क्षेत्रमा नियमित उपचार र निरीक्षण भइरहेको पशु सेवा विज्ञ केन्द्रका डा विभूति सिंह जानकारी दिए । यो रोगका कारण मर्ने पशुको सङ्ख्या कम भए पनि दूध उत्पादनमा घट
डोल्पा— डोल्पामा जबरजस्ती करणी गरेको अभियोगमा एक जना पक्राउ परेका छन् । २२ वर्षीया युवतीलाई जबरजस्ती करणी गरेको अभियोगमा त्रिपुरासुन्दरी नगरपालिका–६ बस्ने ४० वर्षीय यादव विकलाई बुधबार प्रहरीले पक्राउ गरेको हो ।यादवले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय करबगार्डबाट खटिएको प्रहरीले उनलाई पक्राउ गरेको हो ।घटनाका सम्बन्धमा प्रहरीले आवश्यक अनुसन्धान भइरहेको जानकारी दिएको छ ।
अछाम— जिल्लामा एक निर्माण व्यवसायीमाथि वडाध्यक्षसहितको समूहले कुटपिट गरेको घटना सार्वजनिक भएको छ। तुर्माखाँद गाउँपालिका–३ भैरवस्थानका ३१ वर्षीय ठेकेदार कर्णबहादुर बुढामाथि मंगलसेन नगरपालिका–५ का वडाध्यक्ष झंकर भाटको नेतृत्वमा नौ जनाको समूहले कुटपिट गरेको प्रहरीले जनाएको छ।गत असार २२ गते दिउँसो सदरमुकाम मंगलसेनस्थित सनसाइन प्लाजा होटेलमा ठेकेदार बुढामाथि खुकुरी, फलामको रड, नक, मुक्का र लात प्रहार गरिएको थियो। कुटपिटबाट बुढाका दुई वटा दाँत भाँचिनुका साथै उनको अनुहारसहित शरीरका विभिन्न भागमा गम्भीर चोट लागेको छ।घटनापछि असार ३० गते मात्र पीडित बुढाले जिल्ला प्रहरी कार्यालयमा किटानी जाहेरी दिएका थि
काठमाडौं— आर्थिक वर्ष २०८२/८३ को पहिलो दिन सुनचाँदीको मूल्य बढेको छ । सुनको मूल्य प्रतितोला ३ सय रुपैयाँले बढेको नेपाल सुनचाँदी व्यवसायी महासंघले जनाएको छ । आज छापावाल सुनको मूल्य तोलामा १ लाख ९२ हजार ३०० रुपैयाँ कायम भएको छ । यसअघि बुधबार छापावाल सुनको मूल्य तोलामा १ लाख ९२ हजार रुपैयाँ कायम भएको थियो । यस्तै आज चाँदीको मूल्य ५ रुपैयाँ बढेको छ । यसैसँगै बुधबार तोलामा २२ सय ६० रुपैयाँ रहेको चाँदीको मूल्य बिहीबार २२ सय ६५ रुपैयाँ कायम भएको छ । सरकारले यस आर्थिक वर्षका लागि तोकेको २ प्रतिशत विलासिता कर पनि आजबाट लागू हुनेछ । यस करको सुनचाँदी व्यवसायीले भने विरोध गर्दै आएका छन् ।
काठमाडौँ — घुस प्रकरणमा मुछिएका मन्त्रीहरूमाथि कलाकार दीपकराज गिरीले तीखो व्यङ्ग्य गरेका छन्।हालै सार्वजनिक भएका भ्रष्टाचार सम्बन्धी घटनाहरूको पृष्ठभूमिमा गिरीले मन्त्रीहरूलाई व्यङ्ग्यात्मक शैलीमा ‘घुस कसरी खाने’ तालिम दिनुपर्ने बताउँदै सामाजिक सञ्जालमार्फत टिप्पणी गरेका हुन्।गिरीले फेसबुकमा लेखेका छन्, “लौ न, मन्त्रीहरूलाई घुस कसरी खाने भनेर तालिम दिनुपर्यो। घुस खान पो रोक्न सकिन्न त, समाचार त रोक्नुपर्यो नि। भोलि मन्त्री खाने मान्छे नपाइएला।”यो टिप्पणी संघीय मामिला तथा सामान्य प्रशासनमन्त्री राजकुमार गुप्ता र भूमि व्यवस्था, सहकारी तथा गरिबी निवारणमन्त्री बलराम अधिकारीका नाम जोडिएका घुस प्र
विराटनगर— मोरङको धनपालथान गाउँपालिका–१ स्थित गदिया खोलाको किनाराबाट नेपाल प्रहरीले ठूलो मात्रामा गाँजा बरामद गरेको छ । बिहीबार राति १ बजे इलाका प्रहरी कार्यालय रंगेलीबाट खटिएको टोलीले ३२३ किलो ३०० ग्राम गाँजा फेला पारेको हो । प्रहरी निरीक्षक नरेन्द्रकुमार बोगटीको नेतृत्वमा खटिएको प्रहरी टोलीले विशेष सूचनाका आधारमा खोलाको किनारमा बेवारिसे अवस्थामा रहेको गाँजा फेला पारेको मोरङ प्रहरीका प्रवक्ता डीएसपी कोपिला चुँडालले जानकारी दिइन् ।गाँजा १० वटा बोरामा राखिएको अवस्थामा भेटिएको थियो ।
काठमाडौं— प्रेस काउन्सिल, नेपालका पूर्वकार्यवाहक अध्यक्ष किशोर श्रेष्ठ विश्व प्रेस काउन्सिलको उपाध्यक्ष पदमा चयन भएका छन् ।अफ्रिकी मुलुक ताञ्जानियामा जारी काउन्सिलको शिखर सम्मेलनबाट उनी उपाध्यक्ष निर्वाचित भएका हुन् । श्रेष्ठ विश्व प्रेस काउन्सिलको निवर्तमान महासचिवसमेत थिए । काउन्सिलको आगामी तीन वर्षका लागि सर्वसम्मतिबाट नयाँ नेतृत्व चयन भएको हो । यद्यपि, चुनावका सम्पूर्ण प्रक्रिया पूरा गरिएको नवनिर्वाचित उपाध्यक्ष श्रेष्ठले बताए।नेपालको प्रतिनिधित्व गरेका श्रेष्ठको प्रस्तावकमा भारतीय प्रेस काउन्सिलका प्रतिनिधि सुधीरकुमार पण्डा तथा समर्थकमा जिम्बाब्वेका लफ्टी दुबे, म्यान्मारका डा तिन तु
दैलेख— जिल्लाको आठबीस नगरपालिका–३ स्थित जास्कीमा बँदेलको आक्रमणमा परेर ६ जना घाइते भएका छन्। मकै खान खेतमा पसेको बँदेललाई धपाउने क्रममा बँदेलले आक्रमण गर्दा स्थानीय घाइते भएको जिल्ला प्रहरी कार्यालय दैलेखका प्रमुख गणेशबहादुर बरालले जानकारी दिए।घाइतेहरूमा आठबीस नगरपालिका–२ का २३ वर्षीय डबल बडुबाल, २९ वर्षीय टेकबहादुर शाही, २२ वर्षीय विकास कार्की, आठबीस–३ का ४५ वर्षीय रामबहादुर बडुवाल, निरज कार्की र कमल कार्की रहेका छन्। उनीहरूको प्रदेश अस्पताल कालागाउँ सुर्खेतमा उपचार भइरहेको प्रहरीले जनाएको छ।
कैलाली— टीकापुर नगरपालिकाले प्लाष्टिकका झोला प्रयोगमा प्रतिबन्ध लगाएको छ। पालिकाले आजदेखि लागु हुनेगरी त्यस्तो व्यवस्था गरेको हो। नगर प्रमुख रामलाल थारुले दुई महिनाअघिदेखि पालिकालाई प्लाष्टिकमुक्त क्षेत्र बनाउने अभियानमा आफू जुटेको जनाउँदै प्लाष्टिकजन्य वस्तुको प्रयोग हुन नदिन स्थानीय राजनीतिक दल, व्यापारी, उद्योग वाणिज्य सङ्घका पदाधिकारी र सङ्घ संस्था, पत्रकार र समाजसेवीलाई आग्रह गरेका छन्।नगरपालिकाको निर्णयविपरीत प्लाष्टिकका झोला बिक्रेतालाई प्रथम पटक एक हजार, दोस्रो पटक तीन हजार र तेस्रो पटक पाँच हजार जरिवाना हुने उनले बताए। त्यसैगरी, प्लाष्टिकका झोला प्रयोग गर्नेलाई पहिलोपटक १०
काठमाडौं – नेपालमा लागुऔषध तस्करीमा भारतीय नागरिकहरूको संलग्नता बढ्दै गएको देखिएको छ। पछिल्ला दिनमा थाइल्यान्ड, अजरबैजान लगायत विभिन्न मुलुकबाट लागुऔषध बोकेर नेपाल आएका भारतीय नागरिकहरू क्रमशः पक्राउ परिरहेका छन्।थाइल्यान्डको बैंककबाट एयर एसियाको उडानमार्फत काठमाडौं आएकी ३० वर्षीया भारतीय महिला लियाओन फुङथरलाई प्रहरीले ५ किलो थाई गाँजासहित त्रिभुवन अन्तर्राष्ट्रिय विमानस्थलबाट पक्राउ गरेको छ। उनी भारतको मणिपुर राज्यकी हुन्।गाँजा र कोकिन तस्करीमा संलग्न एक भारतीय नागरिक अमरजित सिंह सन्धु (६४), नयाँ दिल्ली निवासी, लैनचौरस्थित एक होटलबाट पक्राउ परेका छन्। उनी यस गिरोहका मुख्य योजनाकार रहेको प्रहर
Copyright © 2021 / 2025 / Esoul Media (P) Ltd. / All Rights Reserved.
