काठमाडौं / साताको पाँचौं दिन आज बिहीबार बजारमा सुनचाँदीको मूल्य घटेको छ ।नेपाल सुनचाँदी व्यवसायी महासङ्घका अनुसार बुधबार प्रतितोला ९७ हजार ८ सय रुपैयाँमा कारोबार भएको छापावाल सुनको मूल्य बिहीबार ३ सय रुपैयाँले घटेर ९७ हजार ५ सय रुपैयाँमा कारोबार भइरहेको छ ।तेजाबी सुन प्रतितोलामा ९७ हजार रुपैयाँमा कारोबार भइरहेको छ । यस्तै, चाँदीको मूल्य पनि बिहीबार ५ रुपैयाँले घटेर १ हजार २ सय ३५ रुपैयाँमा कारोबार भइरहेको महासङ्घले जनाएको छ ।
झापा / भन्सार विभागले भन्सार एजेन्टको लिखित परीक्षाको नतिजा सार्वजनिक गरेको छ । लोकसेवा आयोगले गत वैशाख १७ गते लिउको लिखित परीक्षाको नतिजा विभागले सोमबार सार्वजनिक गरेको हो ।भन्सार एजेन्टमा ६ सय ६० जना एजेन्ट थप गर्न लोकसेवा आयोगले परीक्षा लिएको थियो । जसमा आठ सय ६० जनाको नाम दोस्रो चरणका लागि छानिएको विभागले जनाएको छ । परीक्षामा नौ हजार भन्दा बढी परीक्षार्थीहरू सहभागी भएका थिए । अब लोकसेवा आयोगले अन्तर्वार्ताबाट ६ सय ६० जनाका लागि सिफारिस गर्नेछ। अन्तर्वार्ताका लागि आयोगले असार ५ गतेदेखि असार १३ गतेसम्म मिति तोकेको छ । भन्सार विभागले करिब २३ वर्षपछि नयाँ भन्सार एजेन्ट पाएको ह
काठमाडौँ / हिमालयन हाइड्रोपावर लिमिटेडले सर्वसाधारणका लागि साधारण शेयर निष्कासन तथा बिक्री खुला गरेको छ । कम्पनीले आजदेखि प्राथमिक सार्वजनिक निष्कासनको बिक्री खुला गरेको हो ।कम्पनीले प्रतिशेयर १०० मूल्यका दरले नौ लाख कित्ता आयोजना प्रभावित क्षेत्रका बासिन्दाका लागि निष्कासन गरेकामा दुई लाख ८१ हजार ७५० कित्ता मात्र बाँडफाँट भएको र बाँकी ६ लाख १८ हजार २५० कित्तासहित कूल १९ लाख ६८ हजार २५० कित्ता साधारण शेयर सर्वसाधारणका लागि निष्कासन गर्न लागेको सार्वजनिक आह्वान पत्रमा उल्लेख छ ।कम्पनीले निष्कासन गर्ने कूल शेयर मध्ये ३९ हजार ३६५ कित्ता कम्पनीका कर्मचारी र ९८ हजार ४१३ कि
काठमाडौं / नेपाल बैंकका अध्यक्ष सुमनराज अर्यालको राजीनामा स्वीकृत भएको छ। अर्थ मन्त्रालयले अर्यालको राजीनामा आइतबार स्वीकृत गरेको हो।सरकारको तर्फबाट सञ्चालक रहेका अर्याललाई बैंक सञ्चालक समितिको २०७८ भदौ १० गते बसेको बैठकले अध्यक्षमा नियुक्त गरेको थियो ।नेपाल बैंकमा सरकारको ५१ प्रतिशत स्वामित्व छ। त्यसैले व्यवस्थापनमा पदाधिकारी चयन सरकारी तजबिजमा निर्भर छ।
काठमाडौँ / अपर हेवाखोला हाइड्रोपावर कम्पनी लिमिटेडले २४ असारदेखि आईपीओ बिक्री खुला गर्ने भएको छ । कम्पनीले सर्वसाधारणका लागि प्रतिसेयर १०० अंकित मूल्यका १५ करोड बराबरको १५ लाख कित्ता आईपीओ निष्कासन गर्न लागेको हो ।निष्कासन गरिने कुल सेयर मध्ये ३० हजार कित्ता सेयर कर्मचारीका लागि सुरक्षित गरिएको छ भने ७५ हजार कित्ता सेयर सामूहिक लगानी कोषमा बाँडफाँड गरिएको छ । सर्वसाधारणले बाँकी १३ लाख ९५ हजार कित्ताका लागि आवेदन दिन सक्नेछन् ।आईपीओको निष्काशन बन्द छिटोमा असार २८ गते हुनेछ भने ढिलोमा साउन ६ गते हुनेछ । लगानीकर्ताले न्यूनतम १० कित्ता शेयर खरिदका लागि आवेदन दिनुपर्नेछ भने अधिकतममा १ लाख कित्
काठमाडौं / आइतबार नाटकीय रुपमा बढेको सेयर बजारमा सोमबार भने दोहोरो अङ्कले गिरावट आएको छ । साताको दोस्रो दिन २३.८५ ले घटेर नेप्से परिसूचक १९३३.१३ अङ्कमा झरेको हो ।आज सूचकसँगै कारोबार रकममा पनि गिरावट आएको छ । आज २२९ कम्पनीको २ अर्ब ४ करोड ४८ लाख ३१ हजार ९४८ रुपैयाँ बराबरको सेयर किनबेच भएको छ ।आइतबार २ अर्ब १९ करोड ६१ लाख ४१ हजार ८४९ रुपैयाँ बराबरको सेयर किनबेच भएको थियो । आज ४३ हजार १२२ पटकको सेयर कारोबारमा ५६ लाख ४१ हजार ५४० कित्ता कित्ता सेयर किनबेच भएको हो ।कारोबारमा आएका १३ वटा उपसमूह मध्ये जीवन बीमा र इन्भेष्टमेन्ट बाहेकको सेयर मूल्य घटेको छ ।
काठमाडौँ / साताको दोश्रो दिन सोमबार सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला ४०० रुपैयाँ र चाँदीको मूल्य प्रतितोला १० रुपैयाँले बढेको छ । जसअनुसार, आज छापावाल सुनको मूल्य प्रतितोला ९७ हजार ७०० रुपैयाँ र तेजाबी सुनको मूल्य प्रतितोला ९७ हजार २०० रुपैयाँ छ । हिजो आइतबार छापावाल सुनको मूल्य तोलामा ९७ हजार ३०० रुपैयाँ र तेजाबी सुनको मूल्य तोलामा ९६ हजार ८०० रुपैयाँ थियो । हिजो तोलामा १०० रुपैयाँले बढेको सुनको मूल्य आज ४०० रुपैयाँले बढेको हो । गत साताको शुक्रबार तोलामा ९७ हजार २०० रुपैयाँ रहेको छापावाल सुनको मूल्यमा हिजो १०० रुपैयाँको वृद्धि देखिएको
झापा / चालु आर्थिक वर्षको ११ महिनामा ५ अर्ब ५१ करोड रुपैयाँ बराबरको विद्युतीय गाडी आयात भएका छन्। भन्सार विभागको तथ्यांक अनुसार २०७८ साउनदेखि २०७९ जेठ सम्ममा ५ अर्ब ५१ करोड रुपैयाँ बराबरको १७ सय ४ वटा विद्युतीय कार, जिप र भ्यान आयत भएका हुन् । नेपालमा विद्युतीय गाडीहरू चीन र भारतबाट धेरै आयात भएका छन् । पछिल्लो ११ महिनामा चीनबाट ८ सय १० र भारतबाट ६ सय ८ वटा विद्युतीय गाडी आयात भएको विभागको तथ्याङ्कमा उल्लेख छ । यस्तै कोरियाबाट १ सय ८४ वटा गाडी आयात भएको छ भने अमेरिका, जापान र फ्रान्सबाट पनि इभी आयात भएका छन्।गाडी प्रयोगकर्ताहरू इन्धनको मूल्य बढेसँगै विद्युतीय गाडी खरिदमा आकर्षित
झापा / इन्धनको मूल्य घटेसँगै सरकारले सार्वजनिक सवारीसाधनको भाडा पनि घटाएको छ । सोमबारदेखि लागू हुने गरी यातायात व्यवस्था विभागले अन्तरप्रदेश सार्वजनिक सवारीसाधनको भाडा घटाएको हो।पेट्रोलियम पदार्थको मूल्य ५ प्रतिशतभन्दा धेरै घटेमा वा बढेमा स्वचालित प्रणाली अनुसार भाडा समायोजन गर्नु पर्ने व्यवस्था छ । नेपाल आयल निगमले आइतबार राती १२ बजेदेखि लागू हुने गरि पेट्रोल लिटरको २० रुपैयाँ र डिजल २९ रुपैयाँ घटाएसँगै स्वचालित रुपमा सवारीसाधनको भाडा पनि घटेको हो।मूल्य घटेसँगै पेट्रोल १७९ रुपैयाँ लिटर र डिजल १६३ रुपैयाँ प्रतिलिटर कायम गरिएको छ। घटेको भाडा दुई वा सो भन्दा बढी प्रदेश भई सञ्चालन हुने राष्ट
झापा / साताको पहिलो दिन सुनको मूल्य प्रतितोला एक सय रुपैयाँले बढेको छ । सुनचाँदी व्यवसायी महासङ्घका अनुसार सुनको मूल्य शुक्रबारको भन्दा तोलामा एक सय रुपैयाँले बढेको हो।आज सुन प्रतितोला ९७ हजार ३ सय रुपैयाँमा कारोबार भइरहेको महासङ्घले जनाएको छ। गत शुक्रबार प्रतितोला ९७ हजार २ सय रुपैयाँमा कारोबार भएको थियो।त्यस्तै चाँदीको मूल्य पनि तोलामा ५ रुपैयाँले बढेको छ। आइतबार प्रतितोला १२ सय ४५ रुपैयाँ भएको छ। गत शुक्रबार १२ सय ४० रुपैयाँमा कारोबार भएको थियो।
Copyright © 2021 / 2026 / Esoul Media (P) Ltd. / All Rights Reserved.
