काठमाडौं— बाढी पहिरोले बन्द भएका उत्तरी दुई वटा नाका खुलाउने प्रयास भएको छ । अहिलेलाई अस्थायी रूपमा खुलाएर बाटोमा रोकिएका कन्टेनर गन्तव्यमा पठाउने तयारी भइरहेको नेपाल हिमालय सीमापार वाणिज्य सङ्घका अध्यक्ष रामहरि कार्कीले जानकारी दिए । यसका लागि सम्बन्धित निकायसँग समन्वय भइरहेको कार्कीले बताए । उत्तरी चीन जोड्ने मुख्य दुई नाका बन्द भएपछि नेपाली व्यवसायीले आयात गरेका लत्ताकपडा, फलफूललगायतका सरसामान एक हप्तादेखि बाटोमै रोकिएका छन् । उत्तरी नाकाका पुल र सडक भोटेकोशी नदीले बगाएपछि अहिले रसुवागढीतर्फको केरुङ र तातोपानीतर्फको खासा आएका कन्टेनर नेपाल भित्रिन पाएका छैनन् ।तातोपानीतर्फको सीमा नजिकै
काठमाडौं–हवाई यात्रुहरूको चाप बढ्दै गएपछि एयरलाइन्सहरूले उडान संख्या थपेका छन् । बुद्ध एयरले भद्रपुर र भरतपुरमा दुई/दुई उडान थपेको छ। हाल दैनिक दुईतर्फी एक सय ५० उडान गरिरहेको कम्पनीले यात्रु चापको कारण उडान बढाएको हो ।श्री एयरलाइन्सले पनि काठमाडौं–भरतपुर रुटमा शुक्रबारदेखि उडान सञ्चालन गर्ने घोषणा गरेको छ । यती एयरलाइन्सले असोज १५ गतेदेखि काठमाडौं–भद्रपुर र काठमाडौं–नेपालगञ्जमा एक–एक उडान थपेको छ । अविरल वर्षाका कारण बाढीपहिरोले सडक सञ्चाल अवरुद्ध भएपछि हवाई यात्रुहरूको चाप वृद्धि भएको हो ।
काठमाडौं–नेपाल राष्ट्र बैंकले आजका लागि विदेशी मुद्राको विनिमय दर सार्वजनिक गरेको छ । अमेरिकी डलर एकको खरिददर १३४.०६ रुपैयाँ र बिक्रीदर १३४.६६ रुपैयाँ रहेको छ । युरोपियन यूरोको खरिददर १४८.०२ रुपैयाँ, युके पाउण्डको १७५.६६ रुपैयाँ, र स्वीस फ्रयाङ्कको १५७.७७ रुपैयाँ निर्धारण गरिएको छ । अष्ट्रेलियन डलरको खरिददर ९१.७४ रुपैयाँ, जापानी येन १० को ९.१३ रुपैयाँ, र चिनियाँ युआनको १९.१० रुपैयाँ कायम गरिएको छ । भारतीय रुपैयाँ एक सयको खरिददर १६० रुपैयाँ तोकिएको छ । वाणिज्य बैंकहरूले फरक विनिमय दर राख्न सक्ने बताइएको छ ।
काठमाडौं–नेपालले बङ्गलादेशमा ४० मेगावाट विद्युत् बिक्रीका लागि बहुप्रतिक्षित त्रिपक्षीय सम्झौता गरेको छ, जसले नेपालको ऊर्जा क्षेत्रलाई नयाँ उचाइमा पुर्याएको छ। काठमाडौंमा आयोजित विशेष समारोहमा नेपाल विद्युत् प्राधिकरणका कार्यकारी निर्देशक कुलमान घिसिङ, बङ्गलादेश पावर डेभलपमेन्ट बोर्डका अध्यक्ष मोहम्मद रिजाउल करिम र भारतीय कम्पनी एनभिभिएनका प्रमुख कार्यकारी रेणु नाराङले सम्झौतामा हस्ताक्षर गरे। यस अवसरमा नेपालका ऊर्जा, जलस्रोत तथा सिँचाइमन्त्री दीपक खड्का र बङ्गलादेशका वन, वातावरण, जलस्रोत तथा जलवायु परिवर्तनमन्त्री सैयदा रिजवाना हसनको उपस्थिति थियो।सम्झौताअनुसार, नेपालले भारतीय कम्पनी एनभिभिए
काठमाडौं— पछिल्लो दुई दिनको उकालो यात्रा रोकिँदै आज नेपाल स्टक एक्सचेञ्ज (नेप्से) परिसूचक २६ दशमलव ०७ अङ्कले घटेर २५९७.४९ बिन्दुमा पुगेको छ। तीन सय १० कम्पनीका एक करोड ५१ लाख ९९ हजार सात सय ६३ कित्ता शेयर खरिदबिक्री हुँदा कुल कारोबार ६ अर्ब ७७ करोड ८१ लाख ९५ हजार ८८१ रुपैयाँ पुगेको छ।आज वित्त समूहको उपसूचकमा एक दशमलव ७५ प्रतिशतले वृद्धि भए पनि अन्य सबै समूहका उपसूचक घटेका छन्। सबैभन्दा बढी गिरावट निर्जीवन बिमा समूहमा एक दशमलव ८२ प्रतिशतले भएको छ, भने बैंकिङ, विकास बैंक, होटल तथा पर्यटन, जलविद्युत्, लगानी र जीवन बिमा समूहमा पनि क्रमशः गिरावट देखिएको छ। त्यस्तै, उत्पादन तथा प्रशोधन, लघुवित्
काठमाडौं— सन् २०२४ को जनवरीदेखि सेप्टेम्बरसम्म आठ लाख १६ हजार तीन सय ३९ विदेशी पर्यटक नेपाल भ्रमणमा आएका छन्। नेपाल पर्यटन बोर्डको तथ्यांकअनुसार यो संख्या सन् २०२३ को तुलनामा ६ प्रतिशत र सन् २०१९ को तुलनामा ४ प्रतिशतले बढी हो।बोर्डका निर्देशक मणिराज लामिछानेका अनुसार अगष्ट महिनाको तुलनामा सेप्टेम्बरमा भारतबाट आउने पर्यटक घटेपनि चीन, अमेरिका, र युरोपबाट आउने पर्यटकको संख्या बढेको छ। सेप्टेम्बरमा भारतबाट २२ हजार नौ सय ८४ र अगष्टमा २५ हजार आठ सय ३२ पर्यटक नेपाल आएका थिए। चीनबाट भने सेप्टेम्बरमा आठ हजार ४२ र अगष्टमा छ हजार छ सय १४ पर्यटक नेपाल भित्रिएका छन्। मनसुनको कारण भारतीय पर्यटक घटेको अ
काठमाडौं— नेपालमा पहिलो पटक स्याउ मेला हुने भएको छ । घटस्थापनादेखि ठमेलस्थित होटल मनाङको सहकार्यमा किसान भेन्चरले स्याउ मेला गर्न लागेको हो । १७ असोजदेखि ‘प्रथम नेपाल एप्पल फेस्ट २०२४’ हुने भएको किसान भेन्चरका सञ्चालक राजेश कार्कीले जानकारी दिए । स्याउ मेला मनाङ होटल र उत्पला क्याफे बौद्धमा हुनेछ । साथै, नेपालभरि उत्पादन हुने ३७ प्रजातीको स्याउ डिजिटल प्रदर्शनीमा राख्ने कार्कीले बताए । ‘यो दशैं, स्याउसँग मनाऔं’, खुशी बाँडौं, स्वस्थ खानेकुरा खाऔं’ भन्ने नारासहित तीन दिनसम्म चल्ने स्याउ मेलामा जुम्ला, हुम्ला, बाजुरा, मनाङ, मुस्ताङ, जाजरकोट सहित विभिन्न जिल्लाबाट ल्याइएका ५० टन स्याउ प्
काठमाडौं–नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ। राष्ट्र बैंकका अनुसार अमेरिकी डलरको खरिददर एक सय ३३ रुपैयाँ ८२ पैसा र बिक्रीदर एक सय ३४ रुपैयाँ ४२ पैसा निर्धारण गरिएको छ। युरोपियन युरोको खरिददर एक सय ४८ रुपैयाँ ३६ पैसा र बिक्रीदर एक सय ४९ रुपैयाँ ०२ पैसा, युके पाउण्ड स्टर्लिङको खरिददर एक सय ७८ रुपैयाँ २३ पैसा र बिक्रीदर एक सय ७९ रुपैयाँ ०३ पैसा रहेको छ। अन्य मुद्राहरूमा अष्ट्रेलियन डलरको खरिददर ९२ रुपैयाँ ४० पैसा, क्यानेडियन डलरको खरिददर ९८ रुपैयाँ ९४ पैसा, र जापानी येन १० को खरिददर नौ रुपैयाँ ३१ पैसा रहेको छ । यस्तै, चिनियाँ युआनको खरिददर १९ रुपैय
काठमाडौं – नेपाल राष्ट्र बैंकले आजको विदेशी मुद्राको विनिमय दर निर्धारण गरेको छ। अमेरिकी डलर एकको खरिद दर १३३ रुपैयाँ ७८ पैसा र बिक्री दर १३४ रुपैयाँ ३८ पैसा कायम भएको छ । युरोपियन युरोको खरिद दर १४९ रुपैयाँ ७५ पैसा र बिक्री दर १५० रुपैयाँ ४२ पैसा छ भने, युके पाउण्ड स्टर्लिङको खरिद दर १७९ रुपैयाँ ३७ पैसा र बिक्री दर १८० रुपैयाँ १७ पैसा निर्धारण भएको छ । अन्य मुद्राहरूमा अष्ट्रेलियन डलर, क्यानेडियन डलर, जापानी येन, चिनियाँ युआन, साउदी रियाल, कतारी रियाललगायतका दरहरू पनि निर्धारण गरिएका छन् । साथै, हङ्कङ डलर, कुवेती दिनार, बहराइन दिनारको विनिमय दरहरू पनि तोकिएको छ । भारतीय रुपैयाँ
काठमाडौं — नेपाल स्टक एक्सचेञ्ज (नेप्से) परिसूचक आज ४४ दशमलव ४५ अङ्कले वृद्धि भई १.८० प्रतिशतले उक्लिँदै २,५०८.८६ मा पुगेको छ । तर, कारोबार रकम भने पौने चार अर्बमा सीमित भएको छ, जुन पछिल्लो तीन महिनायताकै न्यून हो ।आजको दिनमा ३१९ कम्पनीका ९७ लाख १७ हजार ९५९ कित्ता शेयर ५० हजार ६८० पटक किनबेच हुँदा कुल कारोबार रकम रु तीन अर्ब ७१ करोड ५३ लाख ५९ हजार ९३५ मा खुम्चिएको छ । समग्रमा म्युचुअल फन्ड समूहमा ०.६० प्रतिशतको गिरावट आए पनि अन्य सबै समूहमा सुधार देखिएको छ । वित्त समूह सबैभन्दा धेरै ४.१९ प्रतिशतले बढेको छ भने उत्पादन तथा प्रशोधन समूह ३.८३ प्रतिशतले उक्लिएको छ । बैंकिङ, विकास बैंक, होटल तथ
Copyright © 2021 / 2025 / Esoul Media (P) Ltd. / All Rights Reserved.
