सिन्धुली । दुधौली नगरपालिका वडा नं. १ स्थित श्री माध्यमिक विद्यालय गिचिहानी मतदान केन्द्रमा क्रियामा बसेकै अवस्थामा एकै घरका १० जनाले मतदान गरेका छन्।
बुबाको निधनपछि क्रिया बसेको आठौँ दिनमा पनि परिवारका सदस्यले आफ्नो मताधिकार प्रयोग गरेका हुन्। परिवारका सदस्य बिहान करिब ८ बजे मतदान केन्द्र पुगेर भोट खसालेका थिए।
छोरा काजी प्रसाद फुयालका अनुसार घरमा रहेका दुई आमा, तीन छोरा, तीन बुहारी, एक छोरी र उनी स्वयं गरी १० जनाले मतदान गरेका हुन्। बुबाको शोकका बीच पनि लोकतान्त्रिक अधिकार प्रयोग गर्न पाउँदा खुसी लागेको फुयालले बताए।
