काठमाडौं— राष्ट्रिय प्रजातन्त्र पार्टी (राप्रपा) का सम्पूर्ण भातृ संगठनहरूले माइतीघर मण्डलामा प्रदर्शन गरेको छ । काठमाडौंको तीनकुने घटनामा राज्य पक्षले दमन गरेको भन्दै उनीहरूले प्रदर्शन गरेका हुन् ।
झुटा मुद्दामा पक्राउ परेका राप्रपाका नेता लगायत सम्पूर्ण राष्ट्रवादीहरूलाई अविलम्ब रिहाको माग राखेर उनीहरूले प्रदर्शन गरेका हुन् ।
उनीहरूले मृत्यु भएकालाई शहीद घोषणा गर्नुपर्ने, घाइतेहरूको निःशुल्क र प्रभावकारी उपचारको व्यवस्था गर्नुपर्ने, घटनाको न्यायिक समिति बनाइ छानबिन गर्नुपर्ने लगायत माग राखेर प्रदर्शन गरेका छन् ।
