काठमाण्डौ । नेकपा (एमाले)का अध्यक्ष केपी शर्मा ओलीमाथि आक्रमण भएको छ । संकल्प यात्राका क्रममा धनकुटा पुगेका ओलीमाथि मुक्का प्रहार भएकाे हाे ।
फूलमाला र अविरले स्वागत गर्ने लाइनमा बसेका एक व्यक्तिले ओलीमाथि आक्रमण गरेका हुन् । उनको आक्रमण लगत्तै एमाले कार्यकर्ताले ती व्यक्तिलाई कुटपिट गरेका थिए।
महालक्ष्मी–५, धनकुटाका महेश राईले ओलीमाथि आक्रमणको प्रयास गरेका हुन्। प्रहरीले उनलाई नियन्त्रणमा लिएको छ।ओलीमाथि भएको आक्रमणको विषयमा प्रहरीले भने औपचारिक रुपमा कुनै जानकारी दिएको छैन ।
