बिर्तामोड / झापाको मेचिनगर नगरपालिका-१० बाट लागूऔषध सहित प्रहरीले आमा र छोरालाई पक्राउ गरेको छ । पक्राउ पर्नेमा सोहि स्थानकी ४५ वर्षीया मैनी खातुन र उनका छोरा २५ वर्षीय मेबुव आलम रहेका छन् ।
हिजो(मंगलबार) बेलुका ८ बजे विषेश सूचनाको आधारमा इलाका प्रहरी कार्यालय धुलाबारी र लागु औषध नियन्त्रण ब्युरो काँकरभिट्टाबाट खटिएको प्रहरी टोलीले खातुनको घरमा चेक जाँच गरेको हो । अनुसन्धानका क्रममा खातुनको घरबाट ९ ग्राम ३२ मिलिग्राम ब्राउनसुगर, २४ ग्राम गाँजा, डिजिटल तराजु १ थान नगद ९ हजार ५ सय साठी रुपैयाँ र बिभिन्न कम्पनीका मोबाइल ९ थान बरामद भएको थियो ।
प्रतिबन्धित लागूऔषध सहित पक्राउ परेका आमा छोराको इलाका प्रहरी कार्यालय धुलाबारीबाट थप अनुसन्धान भइरहेको प्रहरीले जनाएको छ ।
