काठमाडौं / देशभरका यातायात व्यवस्था विभागका कार्यालयहरूबाट प्रदान गरिने सबै सेवा आज (बुधबार) पाँच बजेदेखि अनिश्चितकालका लागि बन्द गरिएका छन् ।
विभागका सर्भरहरूमा समस्या देखिएकाले सो समस्या समाधान नभएसम्म सेवा बन्द गरिएको यातायात व्यवस्था विभागका प्रवक्ता लोकनाथ भुसालले जानकारी दिए ।
विभागले सेवाग्राहीलाई हुन जाने असुविधाप्रति क्षमायाचना गरेको छ । यातायातको सर्भरमा पटक पटक समस्या हुँदै आएकाले विभागले पछिल्लो यो निर्णय गरेको हो ।
