कन्काई / कन्काई नगरपालिका ३ स्थित पर्व पश्चिम राजमार्गमा बुधबार राति ट्रकले ठक्कर दिदा पैदल यात्रीको मृत्यु भएको छ ।
पूर्वबाट पश्चिम तर्फ जादैँ गरेको ना ६ ख ५७१३ नम्बरको ट्रकले बाटो काट्ने क्रममा रहेकी कन्काई नगरपालिका ८ बस्ने ३८ बर्षिया राधिका सेडाईलाई ठक्कर दिएको थियो ।
सेडाईलाई उपचारका लागि बिर्तासिटी अस्पताल ल्याइएकोमा थप उपचारका लागि बि एण्ड सी अस्पतालमा ल्याइएको र उपचारका क्रममा उनको मृत्यु भएको प्रहरीले जनाएको छ ।
ट्रक र ट्रकका चालक सर्लाही बागमती नगरपालिका बस्ने २९ बर्षिय उतम वाइबा प्रहरीको नियन्त्रणमा रहेको प्रहरी नायब उपनिरीक्षक बसन्त पाठकले जानकारी दिएका छन ।
