विराटनगर / मोरङको विराटनगर महानगरपालिका १७ मटेरुवा स्थितबाट मोटरसाइकल चोरीमा संलग्न १ जनालाई पक्राउ गरिएको छ ।
पक्राउ पर्नेमा सुनसरी रामधुनी नगरपालिका ३ घर भई विराटनगर महानगरपालिका ११ मा डेरा गरी बस्ने २८ वर्षीय उमेश दाहाल रहेका छन् ।
गत मंसिर २६ गते राती साढे ८ बजे विराटनगर स्थित कोशी अस्पतालको परिसरमा पर्किङ गरी राखेको को २५ प ५०२४ नम्बरको बुलेट मोटरसाइकल चोरी भई खोजतलास गर्ने क्रममा प्रहरी चौकी मटेरूवा बाट खटिएको प्रहरी टोलीले भारतको जोगवनी तर्फ लादै गरेको अवस्थामा मोटरसाइकल सहित दाहाललाई पक्राउ गरिएको हो ।
पक्राउ परेका दहाललाई मोरङ जिल्ला अदालतबाट चोरी कसूरमा म्याद थप गरी अनुसन्धान भइरहेको प्रहरीको भनाइ छ ।
