काठमाडौँ / स्वास्थ्य
मन्त्रालयले राज्यमन्त्रिस्तरिय निर्णयबाट गरिएको चार जना स्वास्थ्य अधिकारीको सरुवामा
प्रधानमन्त्रीले हस्तक्षेप गरेका छन् ।
राज्यमन्त्रीले
गरेको सरुवा तत्काललाई कार्यान्वयन नगर्न प्रधानमन्त्री देउवाले निर्देशन दिएका
हुन् ।
सोमबार मन्त्रालयले कोभिड युनिफाइड केन्द्रीय अस्पताल
(वीर)बाट प्रमुख प्रशासकीय
अधिकारी डा. जागेश्वर गौतमलाई प्रसूति गृहमा सरुवा गरी राष्ट्रिय ट्रमा सेन्टरमा
कार्यरत डा. रुद्र मरासिनीलाई नियुक्त गरेको थियो ।
त्यसैगरी, सार्क
क्षयरोग केन्द्रका प्रमुख डा. विवेक लाललाई मन्त्रालयको समन्वय शाखामा सरुवा
गरिएको थियो भने ११ महिनादेखि मन्त्रालयमा जगेडामा बस्दै आएकी रिता जोशीलाई डा.
लालको ठाउँमा पठाइएको थियो ।
