बिर्तामोड / झापाको भद्रपुरमा शुक्रवार भएको सवारी दुर्घटनामा परी दुई जनाको मृत्यु भएको छ भने एकजना घाईते भएका छन् ।
मृत्यु हुनेमा भद्रपुर –१ हिमाली चोक निवासी ३८ वर्षीया छविमाया लिम्बू र सोही ठाउँका करिव ४० वर्षीय डम्बरबहादुर लिम्बु रहेका छन् ।
दिउसो साढे २ बजे ज्ञानेचोकबाट वनियानीतर्फ गइरहेको मे १ त २८२१ नम्बरको ट्याक्टर र दक्षिणबाट उत्तरतर्फ आँउदै गरेको मे १ ह ६४१ नम्बरको टेम्पो एकआपसमा ठोक्किएर दुर्घटना भएको थियो ।
छविमायाको घटनास्थलमा र डम्बरबहादुरको उपचारका क्रममा ओमसाई पाथीभरा अस्पताल भद्रपुरमा मृत्यु भएको जिल्ला ट्राफिक प्रहरी कार्यालय झापाले जनाएको छ ।
अर्का घाईते टेम्पोमा सवार सोही ठाउँका ४२ वर्षीय वीरबहादुर लिम्बुको उपचार भइरहेको छ । दुवै सवारी साधन प्रहरी चौकी पृथ्वीनगरको नियन्त्रणमा छन् ।
