दाङ / रातो हाब्रे
(रेडपाण्डा)को छाला सहित प्रहरीले दुई जनालाई पक्राउ गरेको छ ।
पक्राउ पर्नेमा सुर्खेत
भेरीगङ्गा नगरपालिका-८ का ५६ वर्षीय नरबहादुर बस्नेत र जाजरकोट दह ३ घर भई हाल
जुनीचाँदी गाउँपालिका-७ बस्ने ४८ वर्षीय डिलबहादुर रावत रहेको जिल्ला प्रहरी
कार्यालय दाङले जानकारी दिएको छ ।
उनीहरूलाई घोराही
उपमहानगरपालिका–१६ गुरुवामा रातो हाब्रेको छाला ओसारपसार तथा बिक्री वितरण भइरहेको
सूचनाका आधारमा पक्राउ गरिएको दाङका प्रहरी नायब उपरीक्षक मुकुन्द प्रसाद रिजालले
जानकारी दिएका छन् ।
रिजालका अनुसार पुच्छरदेखि
टाउँकोसम्म दुई फिट १० इन्च लम्बाइ भएको नङ्ग्रासहितको रेडपाण्डा जस्तो देखिने
सुकेको छाला एक थान, काइनेटिक टल्कने ढुङ्गा सानो ठूलो गरी ३२ वटा र मोबाइल एक
थान बरामद भएको छ ।
