काठमाडौँ / राष्ट्रपति
विद्यादेवी भण्डारीले नेपाल–प्रज्ञा प्रतिष्ठानद्वारा पछिल्ला दुई वर्षमा आयोजित राष्ट्रिय कविता
महोत्सवमा पुरस्कृत कविहरूलाई आज पुरस्कार प्रदान गरेकी छन्।
राष्ट्रपति भवन, शीतल निवासमा
आयोजित समारोहमा ती पुरस्कार प्रदान गरिएको हो । प्रथम पुरस्कृत हुनेमा कविता
महोत्सव-२०७७ मा ‘नेपालको गीत’ शीर्षकबाट नुवाकोटकी भैरवी भूगोल र यस वर्ष ‘देशको नक्सा’ शीर्षकमा
भोजपुरकी कविता राई लगायत छन् ।
विसं २०७७ मा
लमजुङका प्रज्वल अधिकारीको कविता ‘सङ्कल्प’ दृतिय, सोलुखुम्बुका गणेशप्रसाद खतिवडाको ‘आमाको आदेश’, दोलखाकी देवकी अभिलाषीको ‘आमा एक
विश्वविद्यालय’ र तेह्रथुमकी रेजिना आपगाईंको ‘समृद्ध नेपालको सपना’
शीर्षकका कविता तृतीय भएको थियो ।
यस वर्ष धादिङकी
अमृता स्मृतिको ‘डढेलोपछि पनि वसन्त आउँछ’
द्वितीय तथा बर्दियाकी निरञ्जनाकुमारी चन्दको ‘युगीन
प्रतिध्वनि’, ताप्लेजुङकी सविता बरालको ‘आमा म आएँ अब’
र नुवाकोटका प्रकाश सिलवालको ‘बोधिसत्वको खोप’
शीर्षकका कविता तृतीय भएको थियो ।
प्रतियोगितामा प्रथम
हुनेलाई ५० हजार, दृतियलाई ४० हजार र तृतीयलाई ३० हजार प्रदान गरिएको छ । प्रतिष्ठानले
स्थापना दिवसका दिन हरेक असार ९ गते महोत्सव आयोजना गर्दै आएको छ ।
विसं २०१४ मा नेपाली
साहित्य, कला एकेडेमीका नाममा स्थापित प्रतिष्ठानले भाषा, साहित्य, संस्कृति, सामाजिकशास्त्र
र दर्शनशास्त्रमा कार्य गर्दै आएको छ ।
