मकवानपुर / मकवानपुरका फरक दुई स्थानमा दुई जनाको शव फेला परेको छ । बिहान ७ : ३० बजे गाउँपालिका–३ स्थित बकैयाखोला पुलको रडमा सलको पासो
लगाई झुण्डिएको अवस्थामा दुई पुरुषको शव फेला परेको जिल्ला प्रहरी कार्यालय
मकवानपुरले जनाएको छ ।
दाङ बबई
गाउँपालिका स्थायी ठेगाना भएका हाल बकैया–४ तामाखोला बस्ने ३५ वर्षीय भीमबहादुर
खत्रीको शव भेटिएको जिल्ला प्रहरी कार्यालय मकवानपुरका प्रहरी नायब उपरीक्षक
जयश्वर रिमालले जानकारी दिएका छन् । उनका अनुसार मृतक खत्री स्थानीय क्रसर
उद्योगमा मजदुरी गर्दै आएका थिए।
त्यसैगरी
हेटौँडा उपमहानगरपालिका–२ सङ्गमचोकस्थित आफ्नै डेरामा एक पुरुष मृतावस्थामा फेला परेका छन् ।
दैनिक ज्याला मजदुरी गरी जीवनयापन गर्दै आएका डिके भनिने ५० वर्षीय पुरुषको शव
बिहान ७ बजे फेला परेको प्रहरी उपरीक्षक रिमालले जानकारी दिएका छन्। डिके भनिने
पुरुषको थप पहिचान खुल्न सकेको छैन ।
दुवै शव
परीक्षणका लागि हेटौँडा अस्पताल लागिएको र घटनाबारे थप अनुसन्धान भइरहेको प्रहरीले
जनाएको छ ।
