बिर्तामोड / नेकपा (एमाले) का सचिव एवम् प्रचार विभाग प्रमुख योगेश भट्टराईले पार्टीको प्रथम विधान महाधिवेशनले सुदृढ र भावनात्मक एकताका लागि सन्देश दिएको बताएका छन् ।गत असोज १५ देखि १७ गतेसम्म ललितपुरको गोदावरीमा भएको विधान महाधिवेशनमा ताप्लेजुङबाट सहभागी प्रतिनिधिका लागि आज आयोजित चियापान कार्यक्रममा सो कुरा बताएका हुन् । भट्टराईले भने, –‘महाधिवेशनको समापनका अवसरमा अध्यक्ष केपी शर्मा ओलीले एकताबद्ध भई पार्टीलाई सक्रिय बनाउन गरेको घोषणा सकारात्मक भएको छ ।’महाधिवेशनको सन्देशलाई जिल्ला र स्थानीय तहसम्म पुर्याउन भट्टराईले सहभागी जनप्रतिनिधिहरू सबैलाई आग्रह समेत गरेका छन् ।
काठमाडौँ / संघीय संसदको तल्लो सदन प्रतिनिधिसभाको बैठक आज मंगलबार बस्दै छ । संघीय संसद सचिवालयको अनुसार बैठक दिउँसो १ बजे बस्ने छ ।मंगलबारको बैठकमा प्रधानमन्त्री शेरबहादुर देउवाले राष्ट्रिय दलित आयोगको वार्षिक प्रगति प्रतिवेदन, २०७६-७७ पेश गर्ने सम्भावित कार्यसूची छ ।
बिर्तामोड / सर्वोच्च अदालतले प्रधानन्यायाधीश चोलेन्द्रशमशेर जबरालाई मन्त्रिपरिषद् विस्तारमा असान्दर्भिक रुपमा जोडिएको बताएको छ ।सर्वोच्च अदालतले सोमबार विज्ञप्ति जारी गरी प्रधानन्यायाधीशलाई असान्दर्भिक रुपमा जोडेर अतिरञ्जित गरिएको बताएको हो ।आइतबार साँझ र सोमबार केही सञ्चारमाध्यमले प्रधानन्यायाधीशको कोटाबाट दीपक तिमिल्सिना मन्त्री बन्न लागेको समाचार प्रकाशित गरेका थिए । सोही समाचारको खण्डन गर्दै अदालतले यसप्रति ध्यानाकर्षण भएको र समाचार मिथ्या भएको दावी गरेको छ ।
कालिकोट / नेपाली कांग्रेस कालिकोट जिल्ला सभापतिमा अम्बबहादुर शाही निर्वाचित भएका छन्। जिल्ला सभापति र सिंगो कार्यसमिति नै सर्वसम्मत रूपमा चयन गरिएको कांग्रेसले जनाएको छ।कांग्रेस नेता भूपेन्द्रजंग शाहीका अनुसार कालिकोटका ८२ वडा, ९ पालिका र २ प्रदेश सभा क्षेत्रमा सर्वसम्मत रूपमा नयाँ नेतृत्व चयन गरिएको छ। उनी वरिष्ठ नेता रामचन्द्र पौडेलनिकट हुन्।प्रदेश सभा क्षेत्रीय सभापति भने नन्दबहादुर सिंह र आनन्दकुमार शाही चयन भएका थिए।
काठमाण्डौ / लोकतान्त्रिक समाजवादी पार्टी (लोसपा) परित्याग गरेका राजकुमार लेखी नेकपा (एमाले) प्रवेश गरेका छन् । नेपाल आदिवासी जनजाति महासंघका पूर्वअध्यक्ष समेत रहेका लेखी गोदावरीमा जारी विधान महाधिवेशनको अन्तिम दिन एमाले प्रवेश गरेका हुन् ।पहिलो संविधानसभा विघटन भएपछि एमाले छाडेका लेखीले आफ्नै नेतृत्वमा नेपाल नागरिक पार्टी गठन गरेका थिए । त्यसपछि उनले राजेन्द्र महतोको सद्भावना पार्टीसँग एकता गरेका थिए ।पछिल्लो समय जनता समाजवादी पार्टी विभाजित हुँदा उनी महन्थ ठाकुर पक्षमा लागेका थिए । त्यस्तै एमाले प्रवेश गर्नुअघि उनले लोकतान्त्रिक समाजवादी पार्टी परित्याग गरेका थिए ।
बिर्तामोड / प्रमुख प्रतिपक्षी दल नेकपा एमालेको जारी प्रथम विधान महाधिवेशनले ७० वर्ष उमेर पूरा नभएसम्म पार्टीको उम्मेदवार बन्न पाउने व्यवस्था अघि सारेको छ । ७० वर्ष उमेर हदको सुझावप्रति जवाफ दिँदै उपमहासचिव विष्णुप्रसाद पौडेलले यदि कार्यकाल अवधिमा ७० वर्ष पूरा भयो भने उसले आफ्नो जिम्मेवारीमा रहेर कार्य गर्न पाउने व्यवस्था रहने बताए ।यसैगरी, एमालेमा एक कार्यकारी व्यक्ति दुई कार्यकालसम्म नेतृत्व गर्ने व्यवस्था रहने भएको छ । शुक्रबारदेखि जारी विधान महाधिवेशनमा विधान संशोधन सम्बन्धी प्रतिवेदनमाथि जवाफ दिँदै एक व्यक्ति दुई कार्यकालको व्यवस्थालाई पार्टीमा थप महत्वका साथ कार्यान्वयन गरिने बताए ।म
हुम्ला / नेपाली कांग्रेस हुम्लाको सभापतिमा मोहनविक्रम सिंह निर्वाचित भएका छन् । देउवा पक्षका सिंह सर्वसम्मत चयन भएका हुन् । यस्तै उपसभापतिमा बसन्त रोकाया र कैलाश भण्डारी, सचिवमा कृष्ण बोहोरा र विजया बुढा निर्वाचित भएका छन् । सहसचिवमा दिलबहादुर शाही र पाल्जोर तामाङ निर्वाचित भएको बताइएको छ।
विराटनगर / नेपाली कांग्रेसको नेतृत्वमा लामो समयदेखि दबदबा कायम गर्न सफल कोइराला परिवारको गृहजिल्ला मोरङमा पार्टीको संस्थापन पक्ष कमजोर देखिएको छ । जारी अधिवेशनका क्रममा शनिबार सम्पन्न विराटनगर महानगरपालिका सहित अन्य ७ वटा पालिकाको अधिवेशनमा संस्थापन पक्षका उमेद्धार कमजोर देखिएका हुन् ।शनिबार मतदान भएका १६ स्थानीय तहमध्ये ८ वटाको अन्तिम मतपरिणाम सार्वजनिक हुँदा पार्टी सभापति शेरबहादुर देउवा पक्ष जिल्लामा कमजोर देखिएको हो ।विराटनगर महानगरपालिका सहित कानेपोखरी, धनपालथान, कटहरी र मिक्लाजुङ गाउँपालिका , बेलबारी, सुनबर्सी र पथरी शनिश्चरे नगरपालिकाको अन्तिम मतपरिणाम सार्वजनिक हुँदा संस्थापन देउवा पक्
काठमाडौँ / माओवादी केन्द्र निकट अखिल क्रान्तिकारीको अध्यक्ष पञ्चा सिंह बनेकी छन् । आज(आइतबार) बिहान अध्यक्ष प्रचण्डले अखिल क्रान्तिकारीको अध्यक्षमा पञ्चा सिंह हुने निर्णय सुनाएका हुन् ।क्रान्तिकारीको अध्यक्षमा पञ्चा सिंह र सुरेन्द्र बस्नेत मुख्य दाबेदार थिए । नेतृत्व चयनको विषयमा छलफल गर्न अखिल क्रान्तिकारीका नेताहरु आज बिहान प्रचण्ड निवास खुमलटार पुगेका थिए । सोही छलफलमा प्रचण्डले पञ्चालाई अध्यक्ष तोकिदिएका हुन् । अब २२ औं राष्ट्रिय सम्मेलनको जारी बन्दसत्रबाट पञ्चा सिंह अखिल क्रान्तिकारी अध्यक्ष बनेको औपचारिक घोषणा हुने छ ।
काठमाडौं //नेकपा (माओवादी केन्द्र)ले पार्टी निकट विद्यार्थी संगठन अनेरास्ववियू (क्रान्तिकारी)को अध्यक्ष पुष्पकमल दाहालले चयन गर्ने भएका छन्। शनिबार बसेको स्थायी कमिटी बैठकले अध्यक्ष दाहाललाई अध्यक्ष चयन गर्ने जिम्मेवारी दिने निर्णय गरेको हो ।हाल विद्यार्थीको राष्ट्रिय सम्मेलन चलिरहेको छ। बैठकमा पार्टीको विशेष प्रदेश कमिटी ९१ जनाको बनाउने प्रस्ताव पनि गरिएको बताइएको छ। सो प्रस्ताव नेताहरूलाई अध्ययनका लागि दिइएको र अब बस्ने अर्को स्थायी कमिटीले बैठकले त्यसबारे निर्णय गर्ने पार्टीका प्रवक्ता कृष्णबहादुर महराले जानकारी गराएका छन्। बैठकमा सरकारका सहभागी हुने नेताहरूको बारेमा भने छलफल नभएको मा
Copyright © 2021 / 2025 / Esoul Media (P) Ltd. / All Rights Reserved.
