काठमाडौं— नेप्से परिसूचक मंगलबार पनि दोहोरो अंकले घटेको छ। नेप्से परिसूचक ३०.३६ अंकले घटेर २८४६.३० अंकमा छ।
यसदिन ३१८ स्क्रिप्सको २ करोड ६३ लाख ८९ हजार ९१० कित्ता सेयर १२ अर्ब ९४ करोड ६४ लाख ९३ हजार ९३९ रुपैयाँमा खरिदबिक्री भयो। नेप्से परिसूचक घटे पनि गार्डियन माइक्रो लाइफ इन्स्योरेन्सको सेयर सर्किट लेभलमा कारोबार भयो।
यसैगरी आत्मनिर्भर लघुवित्त, युनिभर्सल पावर, बरुण हाइड्रोपावरको सेयर पनि बढ्यो। यसदिन सिन्धु विकास बैंकका लगानीकर्ताले भने सर्वाधिक गुमाए। सो कम्पनीको सेयर १० प्रतिशतले घट्यो। कारोबार रकमका आधारमा हिमालयन रिइन्सुरेन्स शीर्ष स्थानमा रह्यो। सो कम्पनीको एक अर्ब ९ करोड बढीको सेयर कारोबार भयो।
मंगलबार सबै समूहका सूचक घटेका छन्। सबैभन्दा बढी फाइनान्स समूहको सूचक २.१० प्रतिशतले घटेको छ।
