बिर्तामोड / नेपालमा आज थप ६६० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार एक एक हजार ९४२ पीसीआर परीक्षणमा ३२६ र दुई हजार ७४० एन्टिजेन परीक्षणमा ३३४ जना गरी ६६० जनामा संक्रमण पुष्टि भएको हो ।
त्यस्तै, कोरोना सङ्क्रमणबाट १ जनाको मृत्यु भएको छ भने ४४४ जना संक्रमणमुक्त भएका छन् । स्वास्थ्य मन्त्रालयका अनुसार देशभर सक्रिय सङ्क्रमितको संख्या पाँच हजार ६४१ रहेको छ ।
स्वास्थ्य मन्त्रालयका अनुसार सक्रिय संक्रमित मध्ये पाँच हजार ४७१ जना होम आइसोलेसनमा र १७० जना संस्थागत आइसोलेसनमा रहेका छन् । संस्थागत आइसोलेसनमा रहेकामध्ये ४६ जना आईसीयूमा र २ जना भेन्टिलेटरमा रहेका छन् ।
