एजेन्शी । कतारले पर्सियन गल्फ क्षेत्रमा बिग्रँदो सुरक्षा अवस्थाको कारण सोमबारदेखि सबै तरल प्राकृतिक ग्यास (LNG) उत्पादन रोक्ने घोषणा गरेको दाबी गरिएको छ।
कतार विश्वकै अग्रणी LNG निर्यातकर्ता मानिन्छ। पर्सियन गल्फ क्षेत्रका ऊर्जा पूर्वाधारमाथि भएको प्रहार र Strait of Hormuz हुँदै हुने समुद्री आवागमन प्रभावित भएपछि उत्पादन जारी राख्न असुरक्षित भएको जनाइएको छ।
यो निर्णय “Operation True Promise 4” अन्तर्गत बढ्दो क्षेत्रीय प्रतिआक्रमणपछि आएको बताइएको छ। यसअघि साउदी अरेबियाको रस तनुरा रिफाइनरीलगायत महत्वपूर्ण संरचनामाथि आक्रमण भएको रिपोर्टहरू सार्वजनिक भएका थिए।
विश्लेषकहरूका अनुसार कतारको LNG उत्पादन बन्द हुँदा युरोप र एशियाको ऊर्जा सुरक्षामा गम्भीर असर पर्न सक्छ। विश्व तेल तथा ग्यास बजारमा मूल्यमा तीव्र उतार–चढाव आउने अनुमान गरिएको छ।
यसैबीच ट्रम्पले आफ्नो सैन्य अभियानलाई सफल बताइरहेका छन्, तर ऊर्जा आपूर्ति संकटले कूटनीतिक दबाब बढाउने संकेत देखिएको छ। अन्तर्राष्ट्रिय समुदायले घटनाक्रमलाई नजिकबाट नियालिरहेको छ।
