काठमाडौं— पोखरबाट काठमाडौं फर्कंदै गरेका पूर्वराजा ज्ञानेन्द्र शाहलाई स्वागत र समर्थन गर्न आफूलाई राष्ट्रवादी शक्ति दाबी गर्नेहरू र्यालीसहित अघि बढेका छन्। आइतबार दिउँसो पूर्वराजाका समर्थकहरू र राप्रपा अध्यक्ष राजेन्द्रप्रसाद लिङ्देनलगायतका नेताहरू त्रिभुवन विमानस्थलतर्फ अघि बढेका हुन्।
उनीहरुले राजतन्त्रको पुनर्बहाली हुनुपर्ने लगायतका माग राख्दै नाराबाजी गरेका छन्। पूर्वराजा शाह ३ बजे काठमाडौं फर्कने कार्यक्रम तय भएको छ। उनलाई र्यालीले स्कटिङ गर्दै निर्मलनिवाससम्म पुर्याउने बताइएको छ।
