काठमाण्डौ । मंसिर १५ गतेदेखि कीर्तिपुरको टीयू क्रिकेट मैदानमा सिद्धार्थ बैंक नेपाल प्रिमियर लिग जारी छ । एनपिएलमा आइतबारसम्म १७ खेल सम्पन्न भएका छन् । आज दुई खेल हुँदैछन् ।
पहिलो खेल बिहान ९ बजे जनकपुर बोल्ट्स र सुदुरपश्चिम रोयल्सबीच हुनेछ भने दोस्रो खेल दिउँसो १ बजे काठमाडौं गुर्खाज र लुम्बिनी लायन्सबीच हुनेछ ।
अहिलेसम्म जनकपुर अपराजित रहेको छ भने, सुदूरपश्चिमले एक खेलमा पराजय व्यहोरेको छ ।
यस्तै आजै हुने अर्को खेलमा लुम्बिनी लायन्सले काठमाडौं गुर्खाजको सामना गर्नेछ । लुम्बिनी मङ्गलवारको खेलमा उत्कृष्ट लयमा देखिएको थियो ।
