मंगलबारे । मोरंगको उर्लाबारीस्थित मंगलबारेमा ५औं सनसाइन ओपन स्कुल स्तरिय चेस प्रतियोगिता २०२४ को सञ्चालन सम्पन्न भएको छ । उक्त कार्यक्रममा उर्लाबारी, पथरी, दमक, केराबारी, धरान, इटहरी र मिक्लाजुङ लगायत अन्य विद्यालयबाट विद्यार्थीहरु र विद्यालयका प्रतिनिधिको उपस्थिती रहेको थियो।
सो स्कुल स्तरिय चेस प्रतियोगिता कार्यक्रम मङ्गलबारेमा रहेको सनसाइन अङ्ग्रेजी माध्यमिक बिद्यालय को सभाहलमा आयोजना गरिएको थियो। कार्यक्रम का सञ्चालक विद्यालयका सह प्रधानध्यापक भक्त बहादुर बस्नेतले सञ्चालन गरेका थिए । उक्त कार्यक्रममा विद्यालयका प्रबंधक निर्देशक सुरेन्द्र सुवेदीले स्वागत मन्तव्य राखेका थिए ।
कुल २० भन्दा बढी विभिन्न विद्यालयका १२० विद्यार्थीहरूले यस प्रतियोगितामा सहभागिता जनाएका थिए।कुल ३९ खेलाडीहरूलाई पदक र प्रमाणपत्र वितरण गरिएको थियो भने प्रत्येक श्रेणी (सिनियर , जुनियर र गर्ल्स ओपन ) का प्रथम, दोस्रो र तेस्रो स्थान हासिल गर्ने विजेताहरूले नगद पुरस्कार, ट्रफी र पदक प्राप्त गरेका छन्।
