धनुषा— नेपाली कांग्रेसका सभापति तथा पूर्व प्रधानमन्त्री शेरबहादुर देउवाले कांग्रेसीहरू एक ढिक्का भएर जानुपर्ने बताएका छन् । मधेस प्रदेशको राजधानी जनकपुरधाम जानेक्रममा देउवाले अब सबै कांग्रेसजन एक ढिक्का हुनुपर्ने बताए ।
जनकपुरधाम उमहानगरपालिका–२५ लोहनामा पार्टीले आयोजना गरेको एक कार्यक्रममा सहभागी भएका देउवाले भने, 'पार्टीका साथीहरु, सबै जना मिलेर अघि बढ्नुपर्छ ।'
प्रधानमन्त्री केपी शर्मा ओलीको चीन भ्रमण मित्रराष्ट्रको भ्रमण भएको बताउँदै देउवाले बीआरआई योजना अनुदानमा स्वीकार हुने बताए ।
लोहनामा हक अधिकारका लागि जेलनेल भोगेका स्वर्गीय अरविन्द ठाकुरको प्रतिमा अनावरण गर्न सभापति देउवाको कार्यक्रम रहेको कांग्रेसका मधेस प्रदेश प्रचार विभाग प्रमुख नितेशकुमार गुप्ताले जानकारी दिए ।
