काठमाडौं - राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले पार्टीको विधानअनुसार स्थानीय तह परिचालन विभाग र पर्यटन विभागमा नयाँ सदस्य–सचिव र सदस्यहरू मनोनयन गरी विभागहरूलाई पूर्णता दिएका छन् ।
स्थानीय तह परिचालन विभागमा वरिष्ठ नेता उपाध्यक्ष ध्रुवबहादुर प्रधानको नेतृत्वमा केन्द्रीय सदस्य भरत पाठकलाई सदस्य–सचिव नियुक्त गरिएको छ। सदस्यहरूमा ताहिर अली, रामहरि थापा, तीर्थराज चटौत, देवकुमारी पराजुली, र विनोद भारती रहेका छन्।
पर्यटन विभागमा सहायक महामन्त्री विजय खड्काको नेतृत्वमा गणेश रिमाललाई सदस्य–सचिव नियुक्त गरिएको छ। सदस्यहरूमा सांसद आशा लामा, अर्जुन खनाल, आराधना पुडासैनी, रामप्रसाद सापकोटा, रिना खड्का, र सुशील पन्तसहित अन्यको मनोनयन भएको छ।
