बिर्तामोड / झापाको कमल गाउँपालिका- ६ स्थितमा सिटी रिक्सा दुर्घटना हुँदा १ जनाको मृत्यु भएको छ । मृत्यु हुनेमा उर्लाबारी नगरपालिका- ८ मोरङका ३२ वर्षीय डिल्लीराम घोर्साने रहेको प्रहरीले जनाएको छ । बिहीबार दिउँसो ११ बजे मे १ ह ६३१० नम्बरको सिटी रिक्सा अनियन्त्रित भई पल्टदा सिटीमा सवार रहेका घोर्साने घाईते भएका थिए ।
घाईते घोर्सानेको थप उपचारको लागी विराटनगर स्थित नोवेल अस्पताल ल्याइएकोमा अस्पतालमा उपचार हुन नसकी घर तर्फ लैजाने क्रममा बाटोमै मृत्यु भएको हो । दुर्घटनामा संलग्न सिटी र चालक दमक नगरपालिका १० का लिला बहादुर भुजेललाई इलाका प्रहरी कार्यालय दमकले नियन्त्रणमा लिई थप अनुसन्धान गरिरहेको प्रहरीले छ ।
