कर्णाली / कर्णालीको कालिकोटमा आइतबार मिनीबस दुर्घटनामा २ जना घाइते र एक बेपत्ता भएका छन् । कालिकोटको पचाल झरना स्थित कर्णाली नदीमा मिनिबस खस्दा बसमा सवार चालक र एक महिला यात्रु घाइते भएका हुन् ।
पचालझरना गाउँपालिका–८ पर्ने भुइँचेचाङ र खोली बजार नजिक जीतेगडा–कोल्टी सडकखण्डमा सडकबाट ००२ ख ०१६२ नम्बरको मिनीबस नदीमा खसेको प्रहरीले जनाएको छ ।
गाडीमा सवार तीनजना मध्ये गाडीका सहचालक बेपत्ता भएका छन् । दुर्घटनामा घाइते भएका बसका चालक बोल्न नसक्ने अवस्थामा छन् भने महिलालाई सामान्य चोट लागेको प्रहरीले जनाएको छ ।
