लहान / सिराहाको लहान नगरपालिकाबाट प्रहरीले ठुलो परिमाणमा लागूऔषध सहित एक जनालाई पक्राउ गरेको छ । पक्राउ पर्नेमा सिरहाको नवराजपुर गाउपालिका –५ का २६ वर्षीय प्रभु नारायण सिंह राजपुत रहेका छन् ।
भारतीय नाका भएर लहान आउँदै गरेका २६ प १८९ नं. को मोटरसाइकलमा सबार राजपुतलाई चेकजाँचका क्रममा प्रहरीले लागूऔषध सहित पक्राउ गरेको इलाका प्रहरी कार्यालय लहानले जनाएको छ ।
पक्राउ परेका राजपुतका साथबाट प्रहरीले नाइट्रोभेट १० लेखिएको ४ हजार ७ सय ४० वटा ट्याबलेट, डाईजेपाम लेखिएको १ सय ९४ एम्पुल, फेनारगन लेखिएको १ सय ९४ एम्पुल, नाम लेवल नभएको १ सय ९४ एम्पुल, डाईलेक्स डिसी (१०० एक एल) बरामद गरेको छ ।
