मोरङ
/ उदयपुरको बेलका नगरपालिका ८ कोठूबाट प्रहरीले लागूऔषध गाँजा सहित दुई जनालाई
पक्राउ गरेको छ।
पक्राउ पर्नेमा भोजपुर हतुवागढी गाउँपालिका ८ का २६ वर्षीय नविन्द्र राई र २३ वर्षीय हेमराज राई रहेको इलाका प्रहरी कार्यालय रामपुर ठोक्सिलाले जानकारी दिएको छ ।
इलाका प्रहरी कार्यालय रामपुर ठोक्सिला र अस्थाई प्रहरी पोष्ट कोठूबाट परिचालन भएको प्रहरी टोलीले को१ज ४५९ नम्बरको बलेरोको चेकजाँच गर्ने क्रममा हुडमा २ वटा कपडाको झोलामा ४ केजी २०० ग्राम लागूऔषध गाँजा भेटिएको प्रदेश १ प्रहरी कार्यालय विराटनगरका प्रहरी उपरीक्षक नविनराज राईले जानकारी दिएका छन् ।
भेटिएको गाँजाबारे सोधपुछ गर्दा उक्त गाँजा नविन्द्र र हेमराज राईको खुल्न आएसँगै उनीहरूलाई नियन्त्रणमा लिई थप अनुसन्धान भइरहेको इलाका प्रहरी कार्यालय रामपुर ठोक्सिलाले जानकारी दिएको छ ।
