धनगढी / कैलालीको कर्णाली नदीमा जिप खस्दा दुई जना बेपत्ता भएका छन् भने तीन जना घाइते भएका छन् ।
शुक्रबार दिउँसो मोहन्याल गाउँपालिका –७ स्थित चिसापानी–सोल्टा कच्ची सडक खण्डबाट जिप नदीमा खस्दा डोटीको आदर्श गाउँपालिकाका प्रकाश जोशी र उनकी श्रीमती रुपी जोशी बेपत्ता भएका हुन् ।
दुर्घटनामा जोशीका छोरीहरू १३ वर्षीया लक्ष्मी, चार वर्षीया सावित्री र तीन वर्षीय छोरा भुवन घाइते भएका छन् । घाइतेमध्ये भुवन र सावित्रीको अवस्था गम्भीर छ ।
नेपालगञ्जबाट उपचार गरेर फर्किने क्रममा सोल्टा घुम्न जाँदा उनीहरु दुर्घटनामा परेको हुनसक्ने अनुमान प्रहरीले गरेको छ । जोशी दम्पतीको खोजी कार्य भइरहेको प्रहरीले जनाएको छ ।
