बिर्तामोड / झापाको मेचीनगरबाट लागूऔषध सहित प्रहरीले दुई जनालाई पक्राउ गरेको छ । पक्राउ पर्नेमा मेचीनगर नगरपालिका –१ बस्ने २६ वर्षीय सरोज भुजेल र सोही स्थानका ३५ वर्षीय निर्मल भुजेल रहेका छन् ।
बिहीबार दिउँसो साढे ३ बजे विशेष सूचनाको आधारमा लागूऔषध नियन्त्रण ब्युरो काँकरभिट्टाबाट खटिएको प्रहरी टोलीले उनीहरूलाई पक्राउ गरेको हो ।
पक्राउ परेकाहरूको साथबाट प्रहरीले ब्राउनसुगर ३४ ग्राम र नेपाली २ लाख ५१ हजार रुपैयाँ बरामद गरेको छ ।
त्यसैगरी उनीहरूले प्रयोग गरेको मे४ प ४०९७ र मे६प ३२१३ नम्बरको दुई वटा मोटरसाइकल समेत नियन्त्रणमा लिएको जिल्ला प्रहरी कार्यालय झापाका प्रहरी नायब उपरीक्षक राकेश थापाले जानकारी दिए ।
