मोरङ / मोरङको बेलबारी नगरपालिका –९ तिनकुटिया स्थित सडकखण्डमा मोटरसाइकल दुर्घटना हुँदा एक जनाको मृत्यु भएको छ भने एक जना घाईते भएका छन् । मृत्यु हुनेमा मोटरसाइकल चालक बेलबारी –९ का २८ वर्षीय उमेश चौधरी रहेका छन् ।
बिहीबार राती १० बजे दक्षिणबाट उत्तर जादै गरेको प्र१ –०२–०४३प ५७६८ नम्बरको मोटरसाइकल अनियन्त्रित भई बिजुलीको पोलमा ठोकिँदा दुर्घटना भएको थियो ।
दुर्घटनामा परि गम्भिर घाईते भएका चौधरीको न्युरो अस्पताल विराटनगरमा राती ११ बजे मृत्यु भएको थियो । सोही स्थानका ३० वर्षीय श्रवण कुमार विश्वासको न्युरो अस्पतालमै उपचार भइरहेको छ ।
