दमौली / पहिराबाट ज्यान गुमाउने तनहुँको बन्दीपुर
गाउँपालिका–३ तामुङका
पीडित परिवारलाई सङ्घ सरकारको तर्फबाट राहत वितरण गरिएको छ । गत असार १७ गतेको
पहिरामा पुरिएर मृत्यु भएका दुई परिवारलाई सङ्घ सरकारको तर्फबाट सोमबार चार लाख रुपैयाँ
राहत वितरण भएको हो ।
तनहुँ क्षेत्र
नं १ का प्रतिनिधिसभा सदस्य कृष्णकुमार श्रेष्ठ र प्रमुख जिल्ला अधिकारी सागर
आचार्यले पीडितको घरमै पुगी जनही दुई लाख रुपैयाँका दरले राहत रकम वितरण गरेका छन्
। सो क्रममा प्रतिनिधिसभा सदस्य श्रेष्ठले मानिसको जीवन पैसासँग तुलना गर्न नमिले
पनि पीडित परिवारको साथमा सरकार छ भन्ने अनूभुति गराउन राहत वितरण गरिएको बताएका
छन् ।
पहिरामा परी
उक्त ठाउँका ३० वर्षीया सरस्वती थापा र ७० वर्षीया हरिमाया सर्किनीको मृत्यु भएको
थियो । यसअघि गण्डकी प्रदेश सरकारले पनि प्रतिमृतक रु ५० हजारका दरले राहत रकम
प्रदान गरिसकेको छ । पहिरामा मृत्यु भएकाका परिवारलाई जनही दुई लाख रुपैयाँका दरले
राहत वितरण गर्ने प्रावधानअनुरुप ऋषिङका पीडितलाई पनि केही समयपछि राहत उपलब्ध
गराइने बताइएको छ ।
गत यही १७ र
२४ गतेको पहिरामा पुरिएर बन्दीपुरमा दुई र ऋषिङमा दुई जनाको मृत्यु भएको छ ।
