म्याग्दी / विद्युत् र इन्टरनेट नहुँदा जिल्लाको धवलागिरि
गाउँपालिकाको सेवा ठप्प बनेको छ । आर्थिक वर्षको अन्तिममा गाउँपालिकाको केन्द्र
मुनामा विद्युत्,
मोवाइल फोन र इन्टरनेट ठप्प हुँदा सेवाग्राहीलाई
समस्या भएको छ भने जनप्रतिनिधि र कर्मचारीलाई काम गर्न अप्ठ्यारो भएको छ ।
बर्सातसँगै गएको
पहिरोले विद्युत्को पोल, लाइन र इन्टरनेटको फाइबर
चुँडाएपछि प्रशासनिक, आर्थिक लगायतका काम
प्रभावित भएको हो । मुदीको डाँडामा रहेको नेपाल टेलिकमको टावरमा चट्याङले क्षति
गरेपछि ताररहित प्रविधिको इन्टरनेट बन्द भएको छ ।
असार पहिलो हप्ता
गाउँपालिकाको कार्यालयमा केन्द्रिय प्रसारण लाइनको विद्युत् जडान गरिएको थियो। गत
सोमबारदेखि गाउँपालिकाको केन्द्र मुनामा विद्युत् र इन्टरनेट सेवा बन्द भएको थियो
।
तत्कालै नबन्ने देखिएपछि ताकमस्थित वडा नं ७ को
कार्यालयमा गएर काम गर्न थालिएको छ । प्रमुख प्रशासकीय अधिकृत गोपाल शर्माले अरु
कुनै विकल्प नभएपछि ताकम आएर आर्थिक तथा प्रशासनिक काम गर्नुपरेको बताएका छन् ।
“महत्वपूर्ण सूचना आदानप्रदानदेखि लेखाको सबै काम गर्न इन्टरनेट र विद्युत् आवश्यक पर्छ। तीन दिनसम्म कुरेर बस्यौँ”, उनि भन्छन् “छिट्टै बिजुली र इन्टरनेट मर्मत नहुने देखिएपछि ताकम आएर काम गरेका छौँ ।” प्रशासकीय अधिकृत शर्मा, लेखा अधिकृत कृष्ण खराल लगायत आठ जना लेखा, प्रशासन र प्राविधिक शाखाका कर्मचारी शुक्रबार ताकम आएका थिए।
कागजात पुर्याउन र नमिलेको बनाउन समस्या भएको हो । ताकममा विद्युत्को वैकल्पिक व्यवस्था भए पनि
आइतबारसम्म नियमित इन्टरनेट थिएन । टेकमाइन्ट कम्पनीको नेट र मोबाइलको डाटाबाट फोर
जी चल्न थालेपछि केही सहज भए पनि काम गर्न साह्रै समस्या भएको कर्मचारीले बताएका
छन् । गाउँपालिकाका अध्यक्ष थमसरा पुनले चट्याङले क्षति पुर्याईएको
टावर मर्मतका लागि बेनीमा सामान नपाइएपछि पोखराबाट मगाइएको बताएका छन् ।
