इटहरी / सुनसरीको इटहरी उपमहानगरपालिका –६ बाट लागूऔषध सहित प्रहरीले ४ जनालाई पक्राउ गरेको छ ।
पक्राउ पर्नेहरूमा बाराको निजगढ नगरपालिका –१२ घर भई इटहरी उपमहानगरपालिका –५ बस्दै आएका दीपक भन्ने बिरेन्द्र राई, इटहरी –५ का १६ वर्षीय १ बालक, इटहरी –४ का विवेक खड्का र सोही ठाउँका जोन चौलागाईं रहेका छन् ।
सोही स्थानमा रहेको एक होटलमा लागूऔषधको कारोबार भइरहेको भन्ने विशेष सूचनाको आधारमा इलाका प्रहरी कार्यालय इटहरीबाट खटिएको प्रहरी टोलीले ब्राउनसुगर सहित शनिवार राती पौने १२ बजे ४ जनालाई पक्राउ गरेको हो ।
पक्राउ परेकाहरूको साथबाट ८६ ग्राम ब्राउनसुगर, तौल नाप्ने डिजिटल उपकरण १ थान, बिभिन्न कम्पनीको मोबाइल ४ थान, मोटरसाइकल १ थान र नगद २००० हजार रुपैयाँ बरामद गरेको इलाका प्रहरी कार्यालय इटहरीले जनाएको छ ।
