झापा / विश्वकप फुटबल अन्तर्गत आज चार खेल हुँदैछन्। शुक्रबार साँझ समूह ‘ए’ अन्तर्गत कतार र सेनेलगलबीच ६ः४५ मा खेल हुनेछ भने दोस्रो खेलमा नेदरल्याण्ड र इक्वेडरबीच ९ः४५ मा हुनेछ।
त्यसैगरी समूह ‘बी’ अन्तर्गत वेल्स र इरानबीच दिउँसो ३ः४५ मा प्रतिस्पर्धा सुरु हुनेछ इङ्ल्याण्ड र अमेरिकाबीच बिहान १२ः४५ मा खेल सुरु हुनेछ। आजको खेलमा इंग्ल्यान्ड लगातार दोस्रो जितको खोजीमा हुनेछ भने अमेरिका पहिलो जित निकाल्न चाहन्छ।
विश्वकप फुटबलमा बिहीबार भएको खेलमा ब्राजिल, पोर्चुगल र स्विटजरल्यान्डले विजयी सुरुवात गरेका छन्। हिजो भएको खेलमा ब्राजिलले सर्वियालाई २–० ले, पोर्चुगलले घानालाई ३–२ ले तथा स्विजरल्यान्डले क्यामरुनलाई १–० ले हराएका हुन्। उरुग्वे र दक्षिण कोरियाले भने गोलरहित बराबरी खेलेका छन्।
