सुनसरी / सुनसरीको धरान उपमहानगरपालिका-१३ बाट प्रतिबन्धित लागूऔषध ब्राउनसुगर सहित प्रहरीले ४ जनालाई पक्राउ गरेको छ ।
पक्राउ पर्नेमा धनकुटा घर भई हाल धरान-१३ मा कोठा लिई बस्ने गरेका काले बहादुर तामाङ,अभिषेक खड्का, मौषम नेपाली, मुना तामाङ रहेका छन् ।
विशेष सूचनाका आधारमा हिजो(बिहिवार) राती इलाका प्रहरी कार्यालय धरानबाट खटिएको प्रहरी टोलीले चेकजाँचको क्रममा उनीहरूको साथबाट २ ग्राम लागूऔषध ब्राउनसुगर बरामद गरेको हो ।
लागूऔषध सहित पक्राउ परेका चारै जनाको विषयमा थप अनुसन्धान भइरहेको प्रहरीले जनाएको छ ।
