वीरगञ्ज / पर्साको बिन्दवासिनी गाउँपालिका–३ नहरचोकबाट सशस्त्र प्रहरीको टोलीले लङरेन्ज हतियारसहित तीन जनालाई पक्राउ गरेको छ ।
दुईनाले लङरेन्ज बन्दुक एक थान र त्यसको कार्टिजसहित उनीहरूलाई पक्राउ गरिएको सशस्त्र प्रहरी उपरीक्षक तेजप्रसाद पोखरेलले जानकारी गराएका छन् ।
पक्राउ पर्नेमा पर्साको पर्सागढी नगरपालिका–५ बस्ने ४१ वर्षीय प्रेम ठाकुर, १६ वर्षीय राहुल ठाकुर र ५५ वर्षीय रामजी ठाकुर रहेका छन् ।
