बिर्तामोड / झापाको मेचीनगर नगरपालिका-६ पुरानो मेचीपुलबाट लागूऔषध ब्राउनसुगर सहित प्रहरीले एक जनालाई पक्राउ गरेको छ ।
पक्राउ पर्नेमा झापा बिर्तामोड नगरपालिका-७ सुकुम्बासी टोलका ५४ वर्षीय अमृत खड्का रहेका छन्। हिजो (मंगलबार) इलाका प्रहरी कार्यालय काँकरभिट्टा र लागूऔषध नियन्त्रण ब्युरो काँकरभिट्टाबाट खटिएको संयुक्त प्रहरी टोलीले चेकजाँचको क्रममा खड्काको साथबाट १४ ग्राम प्रतिबन्धित लागूऔषध ब्राउन सुगर बरामद गरेको हो ।
लागूऔषध सहित पक्राउ परेका खड्काको इलाका प्रहरी कार्यालय काँकडभिट्टाबाट थप अनुसन्धान भइरहेको प्रहरीले जनाएको छ ।
