मोरङ / मोरङको केराबारी गाउपालिका- ८ स्थितमा ट्याक्टर दुर्घटना हुँदा १ जनाको मृत्यु भएको छ ।
मृत्यु हुनेमा चालक केराबारी-१० का १९ वर्षीय पिलिज बि क रहेका छन् । आज बिहान पौने ९ बजे को २ त ६७०० नम्बरको ट्याक्टरमा ढुङ्गा लोड गरी लैजाने क्रममा ट्याक्टरको अगाडिको भाग उचालिदा दुर्घटना भएको प्रहरीले जनाएको छ ।
ट्याक्टरको स्ट्रिङले च्यापिई घाईते भएका बि क को स्थानिय सुकुना अस्पतालमा उपचारको क्रममा मृत्यु भएको हो । घटना सम्बन्धमा ईलाका प्रहरी कार्यालय केराबारीले थप अनुसन्धान भइरहेको छ ।
