कञ्चनपुर / कञ्चनपुरमा सोमबार (आज) बसले ठक्कर दिँदा एक महिलाको मृत्यु भएको छ । भीमदत्त नगरपालिका–५ शान्ति निकेतन चोकमा बसले ठक्कर दिँदा मञ्जु बुडालको घटनास्थलमै मृत्यु भएको हो ।
बजारबाट सामान खरिद गरी सडक पार गर्ने क्रममा ना ४ ख ४४६६ नं को बसले ठक्कर दिँदा बुडालको मृत्यु भएको जिल्ला प्रहरी कार्यालयका प्रहरी नायब उपरीक्षक चक्रबहादुर शाहले बताएका छन् ।
मृतक ब्रह्मदेव प्रहरी चौकीमा कार्यरत प्रहरी नायब निरीक्षक देवसिंह बुडालकी श्रीमती भएको प्रहरीले जनाएको छ । ठक्कर दिने बसका चालक फरार रहेकाले चालकको खोजी भइरहेको समेत प्रहरीले जनाएको छ ।
