विराटनगर / भारतको जोगबनी नाका हुँदै नेपाल प्रवेश गर्ने २० प्रतिशत मानिसहरूमा कोरोना संक्रमण पुष्टि भएको छ ।
जोगबनी नाका हुँदै नेपाल प्रवेश गर्ने मानिसहरूको कोरोना परीक्षण गर्दा २० प्रतिशतलाई कोरोना पुष्टि भएको नेपाल भारत सीमास्थित रानी हेल्थ डेस्कका चिकित्सक सुरेन्द्र यादवले जानकारी दिए ।
यादवका अनुसार मंगलबार भारतबाट नेपाल आउने एक सय १४ जनाको कोरोना परीक्षण गर्दा २१ जनामा संक्रमण पुष्टि भएको थियो ।
जसमा ४ जना नेपाली नागरिक थिए भने १७ जना भारतीय नागरिक रहेको यादवले जानकारी दिए ।
उनले एन्टीजेन रिपोर्ट पोजेटिभ आएका नेपाली नागरिकलाई होम आइसोलेसनमा बस्न र पोजिटिभ देखिएका भारतीय नागरिकहरूलाई भारत तर्फनै फिर्ता पठाइएको बताए ।
