झापा / आज देशभर थप २८५ जनामा सङ्क्रमण पुष्टि भएको छ । देशभर दस हजार ९१९ जनाको आरटीपीसीआर परीक्षण र एक हजार जनाको एन्टिजेन परिक्षण गर्दा २८५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा २५९ जना कोरोना मुक्त भएको स्वास्थ्य मन्त्रालयले जनाएको छ । यसैगरी सोही अवधिमा तीन जना सङ्क्रमितको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५२९ पुगेको छ । यसैगरी देशभर हालसम्म छ हजार ९५४ जना सक्रिय सङ्क्रमित रहेको स्वास्थ्य मन्त्रालयले जनाएको छ ।
