काठमाडौं / कोरोना संक्रमणको तेस्रो लहरबाट हुन सक्ने
जोखिमलाई मध्यनजर गर्दै सर्वोच्च अदालतले परमादेश आदेश जारी गरेको छ ।
अदालतले हरेक अस्पतालमा तत्काल पर्याप्त मात्रामा
आईसीयू बेड, भेन्टिलेटर, अक्सिजन लगायत जीवन
रक्षाका लागि निरन्तर चाहिने सामग्रीको पर्याप्त व्यवस्था गर्न सरकारको नाममा
परमादेशको आदेश जारी गरेको हो ।
न्यायाधीश दीपककुमार कार्की र सपना प्रधान मल्लको इजलासले २४सै
घण्टा र ३६५ दिन नै अस्पताल सञ्चालनमा राख्न आदेश दिएको
छ ।
अधिवक्ताहरू शैलेन्द्रप्रसाद अम्बेडकर र मोहना अन्सारीले
दायर गरेको रिटमा फैसला गर्दै सर्वोच्चले सरकारलाई कोरोनाको तेस्रो लहरका लागि तयारी गर्न
भनेको हो ।
२०७८ जेठ ११ गते भएको फैसलाको पूर्णपाठमा सरकार र
स्वास्थ्य मन्त्रालय लगायतलाई तयारीका लागि अन्य आदेश समेत जारी गरेको
छ।
