धरान / वीपी कोइराला स्वास्थ्य विज्ञान प्रतिष्ठान धरानका
एनाटोमी विभागमा कार्यरत रहेका प्राध्यापक डा.चन्द्रभुषण झाको निधन भएको छ ।
बुधबार बेलुका ६ बजे प्रतिष्ठानको सिसियु(कार्डिक केयर
युनिट)मा उपचाररत अवस्थामा उनको निधन भएको प्रतिष्ठानका चिकित्सकहरुले जानकारी
दिएका छन् ।
सुगरको औषधी नियमित सेवन गरिरहेका उनलाई डेढ महिना अघि हर्ट
अट्याक भएको थियो । हर्ट अट्याक भएपछि तत्कालै उपचार गरिएको भएपनि स्वास्थ्यमा
सुधार नहुदाँ प्रतिष्ठानको आइसियुमा राखेर करिब डेढ महिनादेखि डा.झाको उपचार हुदैँ
आएको थियो ।
प्रतिष्ठानको पुर्व डिन समेत रहेका डा. झा एनाटोमी विभागका
प्रमुख भएर जिम्मेवारी निर्वाह गर्दै आएका थिए ।
