बिर्तामोड / प्रदेश १ मा पछिल्लो २४ घण्टामा थप ९ सय २२
जनामा कोरोना संक्रमण पुष्टी भएको छ ।
प्रदेशका विभिन्न प्रयोगशालामा १ हजार ५ सय ६६ जनाको पीसीआर
परीक्षणगर्दा ४ सय ८५ र १ हजार ६ सय ७३ जनाको एन्टिजेन परीक्षण गर्दा ४ सय ३७
जनामा संक्रमण देखिएको सामाजिक विकास मन्त्रालयले जनाएको छ ।
मन्त्रालयका अनुसार पीसीआर परीक्षणका आधारमा झापामा २ सय १५, मोरङमा १ सय ३५, सुनसरीमा ९९, धनकुटामा १९, उदयपुरमा ६, पाँचथर र
संखुवासभामा २–२, इलाम र खोटाङमा १–१ र प्रदेश १
बाहिरका ५ जनामा संक्रमण देखिएको छ ।
प्रदेश १ मा आज थप ३ सय ६५ जना कोरोना संक्रमणमुक्त भएका
छन् । संक्रमणमुक्त हुनेमा १ सय ६६ महिला र १ सय ९९ पुरुष रहेका छन् ।
त्यसैगरी, पछिल्लो २४ घण्टामा कोरोना संक्रमणबाट थप १२
जनाको मृत्यु भएको छ । मृत्यु हुनेमा ७ महिला र ५ पुरुष रहेको मन्त्रालयले जनाएको
छ ।
