बिर्तामोड / आज देशभर थप ३ हजार १२५ जनामा कोरोना संक्रमण
पुष्टि भएको छ कोरोना ।
पछिल्लो २४ घण्टामा १० हजार ६१३ पीसीआर र ३ हजार १९८ जनाको
एन्टीजेन परीक्षणका क्रममा ३ हजार १२५ जनामा संक्रमण पुष्टि भएको स्वास्थ्य तथा
जनसंख्या मन्त्रालयले जनाएको छ।
यो सँगै कुल संक्रमितको संख्या ६ लाख ९९ हजार ६४९ पुगेको छ ।
कुल संक्रमितमध्ये ३१ हजार ६२९ जना सक्रिय संक्रमित छन्।
गत २४ घण्टामा १ हजार ९२५ जना संक्रमित निको भएका छन् । यो
सँगै देशभर निको हुनेको संख्या ६ लाख ५८ हजार १२२ पुगेको छ।
उक्त अवधिमा २३ जना संक्रमितको मृत्यु भएको मन्त्रालयले
जनाएको छ। हालसम्म कोरोना संक्रमणबाट मृत्यु हुनेको संख्या ९ हजार ८९८ पुगेको छ।
