बिर्तामोड /
प्रदेश १ मा पछिल्लो २४ घण्टामा ८०४ जनामा कोरोना संक्रमण पुष्टि भएको छ ।
प्रदेशका विभिन्न
प्रयोगशालामा १ हजार २६ जनाको पीसीआर परीक्षण गर्दा २९९ र १ हजार ४४५ जनाको
एन्टिजेन परीक्षण गर्दा ५०५ जनामा कोरोना संक्रमण देखिएको सामाजिक विकास
मन्त्रालयले जनाएको छ ।
मन्त्रालयका
अनुसार पीसीआर परीक्षणका आधारमा सुनसरीमा १०५, मोरङमा १०४, झापामा ६९, धनकुटामा ९, उदयपुरमा ३, इलाममा २, पाँचथर, तेह्रथुम र
संखुवासभामा १–१ र प्रदेश १ बाहिरका ४
जनामा संक्रमण देखिएको छ ।
प्रदेश १ मा आज
४३१ जना कोरोना संक्रमणमुक्त भएका छन् । संक्रमणमुक्त हुनेमा २१५ महिला र २१६
पुरुष छन् । पछिल्लो २४ घण्टामा ६ जनाको मृत्यु भएको छ । मृत्यु हुनेमा २ महिला र
४ पुरुष रहेको सामाजिक विकास मन्त्रालयले जनाएको छ ।
