सुर्खेत
/ कर्णाली प्रदेशका सामाजिक विकासमन्त्री यज्ञबहादुर बुढाक्षेत्रीले सबै नागरिकलाई
कोरोना विरुद्धको खोप लगाइने बताएका छन् ।
संवाद
समूहले आयोजना गरेको ‘कर्णालीमा कोरोनाको अवस्था र तयारी’
विषयक
अन्तक्र्रियामा सबै नागरिकलाई खोपको व्यवस्था प्रदेश सरकारले गर्ने उनले जानकारी दिएका
छन् ।
औषधि
र जनशक्तिको अभावमा नागरिक सेवा लिनबाट वञ्चित हुन नपरोस् भन्दै मन्त्री बुढाक्षेत्रीले नागरिकलाई बचाउनु नै सरकारको
पहिलो कर्तव्य भएकाले आफूहरूको ध्यान यसतर्फ केन्द्रित भएको र विभिन्न नाकामा
हेल्प डेक्ससहित आवश्यक जनशक्तिको व्यवस्था पनि गरिसकेको बताएका छन् ।
“कोरोना महामारीको तेस्रो भेरियन्टबाट बच्न
आवश्यक जनशक्ति र उपकरणको व्यवस्थापनमा प्रदेश सरकार निरन्तर लागिरहेको छ”
उनको
भनाइ थियो ।
